Edicioni i Lajmeve Tv Klan 13 Mars 2026, ora

Описание: Lajme, #edicioniinformativ ora 19:30, 13 Mars 2026 #TvKlan #klanlajme

Spiker: Reis Çiço

Headlines

“Balluku”, Rama: Debate me disa partnerë, por s’ka frenim drejt BE. Porto Romano nuk do të ndalet
Kryeministri Rama thotë se është gënjeshtër që vendimi i Kuvendit për Ballukun do të pengojë integrimin. Në një konferencë me gazetarët, ai tha se ka pasur faktorë që kanë bërë presion kundër ndërtimit të portit të Porto Romanos, duke theksuar se projekti nuk do të ndalet.

Berisha: Rama për Ballukun, për lëkurën e tij, ia mbylli dyert drejtësisë
Lideri i opozitës, Sali Berisha, akuzoi kryeministrin Edi Rama se e mbrojti Ballukun me synimin për të shpëtuar edhe veten e tij nga akuzat e SPAK. Me këtë akt, që sipas tij i mbylli dyert drejtësisë, po rrezikon edhe integrimin e Shqipërisë në BE.

Avokatët e huaj të Veliajt rendisin shkeljet në gjyq: iu mohua njohja me dosjen dhe kontakti me mbrojtësin
Studioja e huaj ligjore që mbron kryebashkiakun e Tiranës, Erion Veliaj, ka renditur një sërë shkeljesh që sipas saj janë bërë deri tani në proces. Avokatët shprehen se Veliajt iu mohua njohja me dosjen hetimore dhe nuk pati mundësi të takonte avokatët.

Rreth 3 mijë shqiptarë në Lindjen e Mesme. Hoxha: S’kemi mbyllur asnjë përfaqësi diplomatike
Rreth 3 mijë shqiptarë janë rezidentë në vendet e Lindjes së Mesme të përfshira nga konflikti. Ministri për Europën dhe Punët e Jashtme, Ferit Hoxha, tha se po mbahen kontakte të vazhdueshme për të garantuar sigurinë e tyre.

Sërish raketa iraniane drejt Turqisë. SHBA lehtëson sanksionet për naftën ruse
Përshkallëzohet konflikti në Lindjen e Mesme. Një valë raketash, që dyshohet se u lëshuan nga Irani, prekën sërish hapësirën ajrore turke, duke angazhuar mbrojtjen ajrore të NATO-s. SHBA vendos të lehtësojë sanksionet për naftën ruse.

Panairi i Francës, interes i lartë nga investitorë e arkitektë në pavijonin e Shqipërisë
Pavijoni i Shqipërisë në Panairin Ndërkombëtar të Pasurive të Paluajtshme në Kanë të Francës po tërheq vëmendjen e investitorëve të huaj. Agjencia e Zhvillimit të Territorit prezantoi 83 projekte që përfshijnë jo vetëm Tiranën, por edhe bregdetin.

Sfida me Poloninë / Të hënën aplikimi për biletat. FSHF: Fituesit do të zgjidhen me short elektronik
FSHF njofton se nga e hëna nis aplikimi për pajisjen me bileta për ndeshjen që kombëtarja jonë luan ndaj Polonisë në Varshavë më 26 mars. Fituesit do të përzgjidhen me short elektronik. Sfida, e vlefshme për plej-off-in e Botërorit 2026, do të transmetohet në TV Klan.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/