Qendra e re e Adiktologjisë dhe Toksikologjisë Klinike hap dyert në QSUT-(28 Mars 2012)

Описание: Lajme Arkiva 2012

Qendra e trajtimit të personave të prekur nga alkooli dhe droga, zhvendoset nga spitali ushtarak, në qendrën spitalore universitare Nënë Tereza. Qendra e re e Adiktologjisë dhe toksikologjisë klinike ka një kapacitet prej 20 shtretërish. Sipas shefit të kësaj qendre, numri i përdoruesve të drogave ka ardhur në rritje vitet e fundit. Ky fenomen vërehet më shumë tek moshat e reja.

Zini Sulaj: “Kemi një ulje, në vitin 2008-2010 kishim 1400 persona, në vitin që kaloi kishim 780, por ajo që ka rëndësi është rritja e numrit të rasteve të reja që kërkojnë ndihmë. Mosha e fillimit është 14-15 vjeç, por shumica dërrmuese e pacientëve i përkasin moshës 20-25 vjeç. Me këtë shërbim do të ofrojmë tani terapi mbajtëse me metadon, me bubranofin dhe të gjitha qasjet e tjera që ofrohen sot në botë. Kemi kapacitet 20 shtretër nga 10-12 shtretër që kemi pas.”

Në inaugurimin e qendrës së re të Adiktologjisë dhe toksikologjisë klinike ishte i pranishëm edhe ministri i Shëndetësisë Petrit Vasili, i cili e cilësoi këtë një qendër bashkëkohore.

Petrit Vasili: “Sot kemi një përgjigjje të drejtpërdrejtë për një problem shumë delikat, siç është problemi i trajtimit të problemeve të drogës. Një trajtim i cili është tashmë profesional, sipas kritereve të tij shkencore, po njëkohësisht dhe që afrohet në një infrastrukturë dhe mjetet e duhura të punës të nivelit të klinikave si motra nëpër Europë dhe botë.”

Shërbimi i ri është vendosur në ambientet e ish urgjencës së kardiologjisë e cila është transferuar në spitalin e ri. Rikonstruksioni i pavijonit është mundësuar me fonde të ministrisë së shëndetësisë kooperacionit italian dhe Fondit te Kombeve të Bashkuara për Qytetarët./tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni n\u00eb faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t\u2019i ndiqni edhe n\u00eb faqen https://tvklan.al/programe/