Si e zbuloi policia shqiptare 400 Kg Kokaine qe u kap ne Kosove - News, Lajme - Vizion Plus

Описание: http://www.vizionplus.tv
  / vizionplustv  
  / vizionplustv  
Kamioni me 400 kg kokainë që u kap në Lipjan të Kosovës, ka mbërritur në Portin e Durrësit më datë 6 Maj ku ka qëndruar deri më 15 të këtij muaji. Vizion Plus zbardh itinerarin e ndjekur nga kamioni me mish, brenda të cilit u kapën 400 kg kokainë. Kamioni është nisur nga Brazili përmes Portit Santos dhe kishte mbërritur më pas në Portin Gioia Tauro në Itali. DEA ka informuar policinë shqiptare duke e vënë në dijeni për sasinë e drogës. Uniformat blu pasi kanë konstatuar kokainën, kanë mbikëqyrur kamionin me qëllim kapjen e autorëve dhe zbërthimin e grupit kriminal të trafikut ndërkombëtar.Më 15 maj, kamioni është nisur drejt Morinës duke mos bërë asnjë ndalese deri në Lipjan të Kosovës. Operacioni është kryer nga 3 shtete, por policia shqiptare ka patur rolin më të madh për shkak të qëndrimit disa ditor të sasisë së drogës në vendin tonë. Ka qënë pala shqiptare ajo që ka informuar atë të Kosovës për sasinë dhe lëvizjet e kamionit duke mos dekonspiruar operacionin sekret. Në hetime është përfshirë edhe SPAK për shkak se po hetohet për grup të organizuar kriminal.Të paktën 25 persona janë nën hetim ku 7 prej tyre janë të arrestuar. (TABELE)I arrestuari Izet Sheqiri është ortaku i shtetasit shqiptar Bledar Habili, të cilët kanë në pronësi kompaninë MC FOOD me seli në Kavajë dhe në Lipjan të Kosovës, kompani e krijuar 7 muaj para se të kapej ngarkesa. Sipas Guardia Di Finanza, droga, nëse shitej me pakicë në qendrat do arrinte një fitim prej 100 milionë eurosh.Kokaina ishte fshehur në kamionin me mish pule ku ishte e vendosur në 20 arka. Droga ishte e mbështjellë me imazhin e whiskyt brazilian 'Vleho Barriero'. Edhe Ambasadorja amerikane në Tiranë, Yuri Kim u shpreh se policia shqiptare dhe SPAK kanë luajtur një rol të rëndësishëm për goditjen e krimit të organizuar.Ndërkohë vijojnë hetimet për të zbuluar nëse ka persona të tjerë të përfshirë në Shqipëri dhe në Kosovë në trafikun ndërkombëtar të drogës.