星光路上｜江華熱愛拍戲但不欲勉強 放下嚴父作風改善與女兒關係
Автор: TVB 娛樂新聞台
Загружено: 2025-05-20
Просмотров: 11169
Описание:
星光路上｜江華熱愛拍戲但不欲勉強 放下嚴父作風改善與女兒關係
江華 呢日作客《星光路上》接受主播 潘盈慧 專訪，出身自訓練班嘅江華，未正式入行前，曾有機會出唱片，之後更大膽報名參加咗新秀歌唱比賽，江華笑指當初以試下無妨嘅心態，後來入到30名。但因為得悉參賽者當中，有唔少有背景嘅朋友，所以自覺無得鬥，而決定退出賽事。
之後江華順住命運安排，參加友台藝員訓練班而成功入行，一開始就有機會做男主角，令江華吃不消：「嗰陣唔識做戲，加上要比人狂插」。對於初出茅廬嘅江華嚟講，係一次好大嘅打擊，呢次之後，江華對自己發誓「唔要再比人咁鬧」。
之後江華離開友台，再加盟TVB並喺《西遊記》飾演唐三藏，江華話自己唔太鐘意呢個角色，更估唔到呢個角色出嚟咁受歡迎，評價亦非常高。之後江華亦參演過唔少皇帝嘅角色，佢仲分享做皇帝嘅心得，就係要相信自己就係皇帝，要有嗰份自信，佢話係揣摩呢個角色嘅舉動時，亦有加入粵劇元素。
江華話到而家仍然好熱愛演戲，但係佢話自己唔會勉強，曾經做過、經歷過就足夠，呢一刻嘅佢覺得開心就可以啦，江華話子女雖然已經長大，但係都要時刻照顧佢哋，加上家人亦喺香港，所以一直都未可以同太太搬上內地居住。
講到阿女 陳薔天 ，江華就話佢為人太單純，所以希望盡量陪伴佢，佢仲話以前自己係一個嚴父，經常將自己嘅經歷講比阿女知，唔希望佢碰壁，但係佢話咁樣反而令佢同阿女嘅關係緊張，所以而家江華學識採取寬容嘅態度。
至於同太太麥潔文，佢就話大家越老就越sweet，越了解越快樂。對於經常被人話佢刻意模倣劉德華，江華再次澄清自己根本無呢個意思，唔明點解被寫到劉華上身，所以佢話最重要喺調整自己嘅心態。
#江華 #星光路上 #潘盈慧 #新秀 #訓練班 #男主角 #打擊 #西遊記 #唐三藏 #皇帝 #家人 #嚴父 #麥潔文 #劉德華
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0
Повторяем попытку...
Доступные форматы для скачивания:
Скачать видео
-
Информация по загрузке:
