ကိုရိုနာဂယက်နဲ့ မြန်မာ့စီးပွားရေးစျေးကွက်

Описание: ကိုရိုနာဂယက်နဲ့ မြန်မာ့စီးပွားရေးစျေးကွက် (ရုပ်/သံ)

ဧရာ၀တီ၊ မတ် ၁၈၊ ၂၀၂၀

ကမ္ဘာအနှံ့မှာ ဖြစ်ပွားနေတဲ့ ကိုရိုနာ အဆုတ်ရောင် ကူးစက်ရောဂါကြောင့် သေဆုံးသူအရေအတွက်ဟာ မတ်လ ၁၇ ရက် ထုတ်ပြန်ချက်တွေအရ ၆၆၀၀ ကျော်ရှိခဲ့ပြီ ဖြစ်ပါတယ်။

စာရင်းကိုင်အဖွဲ့အစည်း ICAEW က နောက်ဆုံးထုတ်ပြန်တဲ့ Economic Update: Suoth-East Asia အစီရင်ခံစာအရ ကိုရိုနာဗိုင်းရပ်စ် ဆက်လက်ပျံ့နှံ့နေမှုက ခရီးသွားလုပ်ငန်းနဲ့ ဒေသတွင်း ကုန်စည်စီးဆင်းမှုတွေကို ထိခိုက်စေပြီး အရှေ့တောင်အာရှတခွင် စီးပွားရေးတိုးတက်နှုန်းဟာ ၄.၂ ရာခိုင်နှုန်းအထိ ကျဆင်းဖွယ်ရှိတယ်လို့ ခန့်မှန်းထားပါတယ်။

တရုတ်နိုင်ငံရဲ့ စီးပွားရေးရိုက်ခတ်မှုက အရှေ့တောင်အာရှဒေသကိုပါ သိသိသာသာ ထိခိုက်လာပြီး မြန်မာ့စီးပွားရေးကလည်း တရုတ်နိုင်ငံနဲ့ နယ်စပ်ကုန်သွယ်ရေးကျဆင်းမှုတွေကြောင့် ထိခိုက်လျက် ရှိပါတယ်။

နိုင်ငံတော်အစိုးရအနေနဲ့ ကုန်သွယ်ရေး၊ ရင်းနှီးမြှုပ်နှံမှုနဲ့ ကုန်ထုတ်လုပ်မှုတွေအပေါ် စီးပွားရေးရိုက်ခတ်မှုနဲ့ နောက်ဆက်တွဲဆိုးကျိုးတွေကို တွက်ချက်ပြင်ဆင်ဖို့ မြန်မာ့လူမှုစီးပွားဖွံ့ဖြိုးတိုးတက်ရေးအဖွဲ့ရဲ့ဦးဆောင်သူ စီးပွားရေးသုတေသီ ဒေါက်တာဇော်ဦး က “Covid – 19 ၏ မြန်မာ့စီးပွားရေးအပေါ် အကျိုးဆက်ရောက်မှုများ” ဆိုတဲ့ စာတမ်းတစောင်မှာ အခုလို တိုက်တွန်းထားပါတယ်။

ဓာတ်ပုံ - ဧရာ၀တီ
တည်းဖြတ် - ဇော်နောင်လင်း