Tirana International Airport - 20.03.2020

Описание: Aeroporti Ndërkombëtar i Tiranës po përballet me sfidën e tij më të madhe pasi Coronavirusi (Covid-19) po përhapet gjerësisht në të gjithë Europën.

Shumë fluturime janë anulluar.

Të pakta janë fluturimet që operojnë aktualisht në Shqipëri, dhe këto janë kryesisht fluturime për qëllime riatdhesimi, që njerëzit të kthehen në shtëpitë e tyre.

Punonjësit e TIA-s, të pajisur me maska dhe doreza, ndihmojnë pasagjerët, ndërsa mjeku jep udhëzime bashkë me punonjësit e ndihmës së shpejtë që janë në vijën e parë të frontit.

Ndërkohë, agjentët e sigurisë po ndjekin rregullat standarde, duke kontrolluar pasagjerët, por duke mbajtur një distancë për sigurinë e të gjithëve në këto kohë.

Vlerësim për të gjithë punonjësit e aeroportit që po kontribuojnë në operimin e tij.

A do ta kapërcejmë këtë situatë?

Jemi optimistë, edhe pse do të marrë pak kohë.

Sot në TIA, me 20 Mars 2020 numri i pasagjerëve zbriti me 85% dhe numri i fluturimeve me 80%.

Por shëndeti mbetet prioriteti kryesor në këtë situatë, shëndeti i pasagjerëve tanë, i stafit tonë dhe i familjeve tona.

Të tregojmë kujdes dhe vëmendje për njëri-tjetrin ndërkohë që në aeroport vazhdojnë operimet.
Qëndroni të sigurtë dhe të shëndetshëm.

Tirana International Airport