Қызғылт қазан – сүт безі қатерлі ісігі туралы хабардарлық айы

Описание: Онкомаммолог Айбек Садықовтың айтуынша, соңғы жылдары сүт безі қатерлі ісігімен ауыратындар саны артып келеді. Ауру тек елімізде емес, әлем бойынша да кең тараған және бүгінде қатерлі ісіктердің ішінде алдыңғы қатарда тұр.

Дәрігер әйелдердің өз денсаулығына деген жауапкершілігі артқанын атап өтті. Егер бұрын профилактикалық тексеруге өз еркімен бару сирек болса, қазір чекап пен скрининг бағдарламаларының арқасында әйелдер арасында онкологиялық сауаттылық айтарлықтай өскен. Көп жағдайда науқастар дәрігердің жолдамасымен уақтылы тексеруден өтеді.

Алайда маманның айтуынша, әлі де өз бетінше ем іздеп, емшілер мен түрлі биологиялық белсенді қоспаларға (БАД) сенетін әйелдер кездеседі. Мұндай жағдайларда науқастар ауруын асқындырып алып, кейін кеш кезеңде қайтып оралады.

«Қазір 20–30 жастағы әйелдер арасында да сүт безі қатерлі ісігі жиілеп барады. Ерте анықталған ісік – өмірді сақтап қалудың басты жолы. Сондықтан әр әйел өз денсаулығына бейжай қарамай, уақтылы тексеріліп тұруы қажет», – дейді онкомаммолог Айбек Садықов.

#ҰҒОО #АйбекСадықов #ҚызғылтҚазан