ရှေးဟောင်းရတနာတွေ အပ်နှံပေးတဲ့ ကျောင်းသားလေးဦးကို AAဂုဏ်ပြု | People's Spring

Описание: ရှေးဟောင်းရတနာတွေ အပ်နှံပေးတဲ့ ကျောင်းသားလေးဦးကို AAဂုဏ်ပြု
 
ဖေ ဖော်ဝါရီ-၉၊ ၂၀၂၆။ People's Spring
 
ရခိုင်ပြည်နယ် မြောက်ဦးမြို့မှာ ရှေးဟောင်း ရတနာပစ္စည်းတွေနဲ့ ငွေဒင်္ဂါးပြားတွေ မြေကြီးထဲကနေ စတင်တွေ့ရှိခဲ့ပြီး အပ်နှံပေးသူ ကျောင်းသားလေးဦးကို အာရက္ခတပ်တော်(AA)က ငွေကျပ်သိန်း ၃၀၀ ပေးအပ်ခဲ့ပါတယ်။
 
တတိယမြောက်ဦးခေတ် ရခိုင်သက္ကရာဇ် ၁၀၃၄ (ခရစ်သက္ကရာဇ် ၁၆၇၂) ခုနှစ်က စန္ဒသုဓမ္မရာဇာဘုရင်လက်ထက်နဲ့  သက္ကရာဇ် ၁၀၀၀ (ခရစ်သက္ကရာဇ် ၁၆၃၈)က နရပတိကြီး လက်ထက်ကသုံးစွဲခဲ့တဲ့ ငွေဒင်္ဂါး ၁၅၀  ကျော်၊ အချင်း ၁ လက်မခန့်ရှိတဲ့ ကျောက်စိမ်း ၁တုံး၊ ရွှေပုရပိုက် ၁ခု၊ ရွှေလက်စွပ်၃ကွင်းနဲ့ ရွှေထည်အချို့ကို မြောက်ဦးမြို့က ကစားကွင်းတစ်ခုမှာ ဇန်နဝါရီ ၂၄ရက်က တွေ့ရှိခဲ့တာပါ။
 
ကျောင်းသားလေးတွေက ဘောလုံးကစားရင်း အဲဒီရှေးဟောင်းရတနာပစ္စည်းတွေကို တွေ့ရှိခဲ့တာဖြစ်ပြီး တွေ့တွေ့ချင်း လူကြီးတွေကို အကြောင်းကြားခဲ့တာလို့ မြောက်ဦးမြို့ခံတစ်ဦးက ပြောပါတယ်။
 
ဆုချီးမြှင့် ခံရတဲ့ ကျောင်းသားတွေက  Grade-7 ကျောင်းသား တစ်ဦး နဲ့ Grade-5 ကျောင်းသား သုံးဦးဖြစ်ပါတယ်။ တစ်ဦးကို ၇၅သိန်းကျပ်နဲ့ စုစုပေါင်း ကျပ်သိန်း ၃၀၀ ချီးမြှင့်ခဲ့တာလို့သိရပါတယ်။
 
ရခိုင်ပြည်နယ်မှာ၂၀၂၅ခုနှစ်၊ ဇူလိုင်လကလည်း မြောက်ဦးခေတ် ရခိုင်ဘုရင် နရပတိကြီး (၁၆၃၈-၁၆၄၅)လက်ထက်မှာ သွန်းလုပ်ခဲ့တဲ့ ရှေးဟောင်းခေါင်းလောင်းတစ်ခုကိုလည်း တူးဖော်တွေ့ရှိခဲ့တယ်လို့ AAက ဇန်နဝါရီ ၃ရက်မှာ ထုတ်ပြန်ခဲ့ပါတယ်။ အဲ့ဒီ ခေါင်းလောင်းကို တူးဖော်အပ်နှံခဲ့တဲ့ ဦးထွန်းအောင်ကိုလည်း AA က ကျပ်ငွေ သိန်း ၅၀၀ ဂုဏ်ပြုချီးမြှင့်ခဲ့ပါတယ်။

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA