ប្រាំចំនុចសំខាន់ៗក្នុងការចិញ្ចឹមបក្សីកីឡា

Описание: ៥ចំនុចបង្កាត់មាន់មិនខាតពេលវេលារ
ជាកាពិតណាស់ការចិញ្ចឹមបក្សីកីឡា(មាន់ជល់) វាខុសពីកាចិញ្ចឹមមាន់យកសាច់លក់នៅលើទីផ្សា។ ចំពោះការចិញ្ចឹមមាន់សាច់គេចិញ្ចឹមរយះពេលខ្លីបំផុត គឺចន្លោះពី៣ទៅ៥ខែដើម្បីទទួលបានផលពីវាបាន។ ដោយឡែកសម្រាប់មាន់ជល់វិញគឺយើងចិញ្ចឹមចន្លោះ ៨ខែ ទៅ១២ខែឡើងទៅ ទើបអាចលក់ឬអាចដឹងពីគុណភាពកីឡាកររបស់យើងបាន។ ហើយបើការចិញ្ចឹមរបស់យើងរៀបចំមិនបានល្អទេនោះ បងប្អូននិងត្រូវខាតបង់ច្រើនមែនទែន អ្វីដែលខាតបង់ច្រើនក្រៅតែពីថវិការនោះ គឺការបង់ចិត្ត ឬ ខូចចិត្តហ្នឹងអែង។
ដើម្បីកុំអោយខូចចិត្តនិងខាតពេលវេលារច្រើន ថ្ងៃនេះខ្ញុំនឹងចែករំលែកនៅរូបមន្ត៥ចំនុចធំៗដែលមិនអាចខ្វះបានក្នុងការបង្កាត់មាន់និងចិញ្ចឹមាន់អោយរស់បានច្រើននិងមានគុណភាពល្អ។
១ ការជ្រើសរើសពូជ ការជ្រើសរើសពូជគឺសំខាន់ណាស់សម្រាប់បក្សីកីឡាប្រយុទ្ធ បើជ្រើសរើសពូជខុសបងប្អូននិងខាតរយះពេលមួយឆ្នាំពេញ។ ដូចនេះការជ្រើសរើសពូជគឺជារឿងសំខាន់និងតំបូងគេបង្អស់ក្នុងការបង្កាត់បក្សីប្រយុទ្ធ។ ពូជមាន់មានច្រើនណាស់ដែលបងប្អូនមានការពេញនិយមក៏ខុសៗពីគ្នាដែរ ពូជទាំងនោះមានដូចជា (ពូជប៉េរូ ពូជហាច ពូជអេស៊ីល ពូជស្វីតធើ ពូជមាន់វៀតណាម ពូជមាន់ជុំផន ពូជប៉ាគីស្ថាន ពូជកេលសូ ពូជម៉ាទីន ពូជចេប ពូជប៊ែលហ្ស៊ីច.ល..។) អញ្ចឹង..សម្រាប់អ្នកបង្កាត់យើងគួរជ្រើសពូជមួយណាដែលយើងស្រលាញ់និងមានទីផ្សារខ្ពស់សម្រាប់អ្នលក់ដូរ។ បើយើងស្រលាញ់ចង្វាក់ជល់របស់ពូជមួយណាយើងបង្កាត់មួយនោះទៅ។ ហេតុអីបានជាខ្ញុំលើកទឹកចិត្តបែបនេះ? ព្រោះការស្រលាញ់របស់មនុស្សម្នាក់ៗមិនដូចគ្នាទេ ខ្លះស្រលាញ់ចង្វាក់ជល់របស់ជុំផន ខ្លះស្រលាញ់ចង្វាក់ជល់របស់មាន់វៀតណាម ខ្លះទៀតស្រលាញ់ចង្វាក់ជល់របស់មាន់អាមេរិចជាដើម ល ។ ចំពោះបងៗដែលគាត់បង្កាត់លក់វិញបងប្អូនគួរសិក្សារមើលទៅលើទីផ្សារជាក់ស្ដែងថាតើពូជមួយណាដែលមានទីផ្សារខ្លាំងយើងបង្កាត់ពូជនោះទៅ។
២ រៀបចំទីតាំងបង្កាត់ ទីកន្លែងបង្កាត់មាន់ត្រូវតែធំស្រលះ ហើយបើអាចគឺជាទីតាំងដែលមានទីធ្លារវាលស្មៅដែលមេបាអាចចឹកស៊ីបានក្រៅតែពីស៊ីចំនីតែមួយមុខ។ មូលហេតុបើទីតាំងតូចចង្អៀត មាន់នឹងកើតស្ត្រេសវាអាចនឹងស៊ីពងខ្លួនអែង ចឹករោមគ្នាស៊ី ហើយឈ្មោសអាចវ៉ៃមេនៅពេលដែលវាក្រពុសមុខខ្លាំង។ មួយទៀតបើយើងបង្កាត់អោយមេក្រាបនៅនឹងសំបុកគឺវាដេញគ្នាចុះឡើងវាប៉ះពាល់ដល់ពង វាអាចដាច់សរសៃកូនក្នុងពងធ្វើអោយអាត្រាញ៉ាស់ទាប។ ហើយបើបងប្អូនចង់បានអត្រាកូនច្រើនយើងគួរដាក់ទូរភ្ញាស់តែម្តង តែបងប្អូនត្រូវជឿជាក់ថាទូរភ្ញាស់របស់បងប្អូនត្រូវតាមស្ដង់ដាជាពិសេសគឺអាចគ្រប់ក្រងបានទាំងសំណើមនិងកំដៅផងដែរ។
៣ វ៉ាក់សាំង
ការធ្វើវ៉ាក់សាំងគឺសំខាន់ណាស់បងប្អូន សូមកុំគិតថាវាមិនអីទេៗ គិតដូចនេះគឺខុសធ្ងន់ណាស់ ។ វ់ាក់សាំងមានគុណប្រយោជន៏ផ្សេងៗពីគ្នា ហើយបើគេនិយាយថាធ្វើតែមួយមុខបានគ្រប់ជំងឺ នោះគឺកុហហក់ហើយ។ មាន់តែងមានបញ្ហានៅចន្លោះអាយុ៦-៨ខែនៅពេលយើងមិនបានធ្វើវ៉ាក់សាំងគ្រប់គ្រាន់។
៤-៥ កាគ្រប់គ្រងកំដៅ និង របបអាហារ
កូនមាន់កើតភ្លាមអ្វីដែលត្រូវធ្វើមុនគេគឺកំដៅគ្រប់ក្រាន់ បងប្អូនត្រូវរក្សារកំដៅកូនមាន់អោយនៅត្រឹម៣៣-៣៥អង្សារសេ រហូតដល់កូនមាន់មានអាយុដល់មួយខែឡើងរហូតដល់អាយុដាក់ចុះដីបាន។ ចំនែកចំនីសម្រាប់កូនមាន់ទើបកើតវិញបងប្អូនតត្រូវជ្រើសរើសចំនីណាដែលមានប្រូតេអ៊ីន២៤ភាករយ កូនមាន់ត្រូវការប្រូតេអ៊ីនខ្ពស់ណាស់ដើម្បីធំធាត់បានលឿន ចំនីសម្រេចបងប្អូនកួរប្រើចំនីក្រុមហ៊ុនណាដែលមានប្រូតេអ៊ីនចាបើពី២៤ភាគរយទើបល្អដល់សុខភាពកូនមាន់ បញ្ចាក់កូនមាន់បើអាចលោកអ្នកគួរហាលថ្ងៃព្រឹកៗឡើងម៉ោង៧ព្រឹក១០នាតិទៅ១៥នាទីតាមថ្ងៃក្ដៅខ្លាំងឬមិនក្ដៅខ្លាំងតាមជាក់ស្ដែងនិងរដូវកាលផងដែរ។ សូមអរគុណ!