Documentary- The final signature |بەڵگەفیلم- واژۆی کۆتایی

Описание: دواى له‌ده‌ستوپێ كه‌وتنى رژێمى به‌عس، هه‌روه‌ک شێركۆ بێكه‌س، شاعیرى نێودارى كورد گوتى "هه‌ڵه‌بجه‌ ده‌چێ بۆ به‌غدا"، به‌ڵام هه‌ڵه‌بجه‌ییه‌كان بۆ ئه‌وه‌ چوون جله‌ خوێناوییه‌كانیان پیشانى دادگا بده‌ن، بۆ ئەوەی قوربانى به‌ برینه‌كانییه‌وه‌ و به‌ سییه‌ رزیوه‌كانییه‌وه‌ بڵێ، ئه‌وه‌ ئاسه‌وارى چه‌قۆكانته‌ به‌سه‌ر دڵمه‌وه‌ و من هێشتا بۆنى خه‌رده‌لم لێدێ.

هێشتا چیرۆكى نه‌بیستراوی دیكه‌ش هه‌ن، چونكه‌ نه‌ك ته‌نیا قوربانییه‌كان، ئه‌و رۆژانه‌ هه‌ڵه‌بجه‌ییه‌كان بۆخۆشیان دادوه‌ر بوون و قه‌ڵه‌مێكى هه‌ڵه‌بجه‌یی، دواى جلوبه‌رگه‌ خوێناوییه‌كان گه‌ڕایه‌وه‌ و واژۆی كۆتایی ئه‌و پیاوه‌ى له‌گه‌ڵ خۆى هێنایه‌وه‌ كه‌ له‌ ئاسمانه‌وه‌ دڵڕه‌قى خۆى به‌سه‌ر ژیانى ئه‌و شاره‌دا وه‌راند و پێنج هه‌زار كه‌سى خنكاند.

له‌گه‌ڵ ئاسۆ سۆفى، چووینه‌وه‌ بۆ به‌غدا، بۆ نێو ئه‌و دادگایه‌ى كه‌ رۆژانێك عه‌لى حه‌سه‌ن مه‌جید، له‌وێ جگه‌ له‌ بێده‌سه‌ڵاتترین مرۆڤى زمانشكاو، هیچى دیكه‌ نه‌بوو. پیاوێك هه‌میشه‌ ده‌ترسا له‌ سووچێكه‌وه‌ سكاڵاى قوربانییه‌كى لێده‌ربكه‌وێ و هاوار بكات به‌سه‌ریدا و پێی بڵێ بۆ واتكرد؟
له‌و دۆكیۆمێنتارییه‌دا، كه‌ نه‌وزاد مه‌حموود رۆژنامه‌نووسى تۆڕى میدیایى رووداو ئاماده‌یكردووه‌ به‌ هاوكارى وێنه‌گر هه‌رێم بورهان و كارمه‌ندى رووناكى هه‌كار عومه‌ر و مۆنتێر پشتیوان محه‌ممه‌د، ورده‌كاریی شیوازى دادگایی كردن و ئه‌و چیرۆكانه‌ ده‌گێڕێته‌وه‌، سه‌ددام حوسێن و هاوكارانى له‌ 35 ساڵى ده‌سه‌ڵاتدارێتیدا، دژى گه‌لى كورد و نه‌ته‌وه‌كانى دیكه‌ى عێراق ئه‌نجامیاندا.

#RudawDocumentary #Documentary