“Geelee jaartii tiyyaa jaaladhe” Dhaddacha Jaalalaa 24

Описание: Galmee iyyannoo 51
As wr wb. Akkam jirtan kabajamtoota qopheessitoota qophii dhaddacha Jaalalaa. Hedduu isinirraa gammanne. Qophiin dhaddacha Jaalalaa qophii ajaa’ibaati. Waan haqa qophii kanaa na gammachiise hin argine. Ani maqaan kiyya F.A jedhama. Wanti gama iyyannoo kanaa na fide waanuma xiqqoodha. Abbaa manaa kiyyaan hedduu wal jaalanna. Inni nama gaariidha. Haalaa amalli isaa ana qofaaf osoo hin taane, namoota inni waliin jiraatu hundaaf jaalatamaadha. Sababaa haalaafi amala isaa kanaaf, namni heddu kabajaa guddaa kennaaf. Inni hawaasa isaa keessatti nama kabajamaadha. Gama bultii tiyyaatiinis gammachuu goddoo isarraa argadhe. Abbaan manaa kiyya kun nama haalaan qaanfatuudha. Yeroo tokko gara biyyaa imalee maatii kiyyaanis wal baree biraa deebi’e. achi booda maatii kiyya telefoonaan dubbisee hin beeku. Maaliif maatii kiyyaaf hin bilbillee jedhee yoo gaafadhu, ani isaan dubbisuun hatti ulfaata. Haalaan qaanfadha, hayyee yeroo biro bilbilaaf naan jedha. Garuu deebisee hin bilbilu. Ni irraanfata. Maatiin kiyya ammo yeroo hunda na gaafatan, inni maaliif nuuf hin bilbille, maaliif nu dubbisuu dida jedhanii na gaafatan. Gama birootiin dhimmi kana saahibbaan tiyya wajjiin yeroo mari’adhu, jaarsi isaanii maatii isaanii yeroo heddu akka dubbisan naaf himan. An ammo waan kana dhabuun hedduu natti dhagahama. Mee maal naaf dhaamtan, isaaf hoo gorsa akkam dabarsitan. Maatiin kiyya akkuma na jaalatan isas jaalatan. Inni immoo itti dhihaachuu dide. Furmaanni kiyya maali? Deebisaa abbaa murtii obsaan eeggadha.

Galmee Iyyannoo 52
Assalaamu Aleykum warahmatullaahi wabarakaatuh, Qopheessitoota qophii dhaddacha Jaalalaa. Qophii bareedduu tana nuuf qopheessuu keessaniif galanni keessan guddaadha. Rabbiin isinirraa haa jaalatu. Maqaan kiyya Y.H jedhama. Iyyannoon kiyyas akka asii gadii kana. Haati warraa tiyya saahiba heddummaatti. Saahibban dubraa heddu waan qabduuf, yeroo heddu mana dhufanii isii wajjiin haasawaa oolan. An ammo waan kana hin jaalanne. Saahiba hin heddummeessin, nama wajjiinis haasawaa hin oolin jedhee itti dubbannaan, ati silaafuu dalagaa oolta, ani kophaa kiyya maaliif mana taa’aa oola. Isaan na bira dhufanii na wajji taphachuun maal rakkoo qaba naan jette. Achi booda anis dhimmi san itti hin dubbanne. Guyyaa sabtiif Alhadaa yeroo an mana oolus saahibban isii numa dhufan. Osoma an mana keessa jiru buna dhaabanii haasawanii taphatan. Dhiheenya kana ammo dubbii jabduu takkatu harkaa na qaba. Saahibni isii tan yeroo heddu dhuftu takka haalaan bareeddi. Sanirraan uffannaan isiitis hedduu nama harkisa. Shittoon isiin dibattee dhuftus mana hunda urgeessa. Amma qalbiin tiyya intala san kajeeluu eegaltee jirti. Yoo haala kanaan itti fufne rakkoo jabduutu mudachuu mala jedhee sodaadha. Yeroo heddu yoo dalagaa irraa gara manaa galu, yoo intalti sun jaartii tiyya bira jiraatte ni gammada. Isaan bira ta’ee wajji haasawee taphadha. Yoo isiin hin jiraannee ammo gammachuu hin qabu. Waan kanaaf eenyutu itti gaafatama. Bultii tiyya hoo akkamitti rakkoo mudachuuf deemu kanarraa oolcha. Deebisaa abbaa murtii obsaan eeggadha.



Copyright Notice:
Reuploading any of our videos or content to another YouTube channel or platform without our explicit consent is a violation of our copyright. We do not tolerate such actions.

We actively monitor for unauthorised use of our content. If we discover that our content has been reuploaded without permission, we reserve the right to take appropriate legal action, including reporting the infringement to YouTube and requesting the removal of the unauthorised content.