ඔබටත් Tax Payment Slip එකක් ලැබුනද? | ආදායම් බදු ගෙවන්නෙකුට අවුරුද්දෙ තියන වැදගත්ම දවස

Описание: ආදායම් බදු ගෙවන්නෙකුට / Income Tax Payer
අවුරුද්දෙ තියන වැදගත්ම දවස තමයි නොවැම්බර් 30 කියලා කියන්නෙ...
ඇයි ඒ?
ඔබ
තනි පුද්ගලයෙකු හෝ
හවුල් ව්‍යාපාරයක් හෝ
සමාගමක් නම්
පසුගිය තක්සේරු වර්ශය සදහා, එනම් පසුගිය වසරේ අප්‍රේල් මස 01 වෙනිදාගෙන් ආරම්භ වී මෙම වසරේ මාර්තු 31 දිනෙන් අවසන් වූ වසර සදහා ඔබගේ ආදායම් බදු ගොනුව දේශීය ආදායම් බදු දෙපාර්තමේන්තුව වෙත ඉදිරිපත් කිරීමට ඇත්තේ නොවැම්බර් මස 30 ට පෙර වේ.
මෙහිදී සිදුවන්නේ ඔබ විසින් ත්‍රයිමාසික කාර්තු වශයෙන් සහ සැප්තැම්බර් 30 දිනට අවසාන ගෙවීම ලෙසින් ගෙවන ලද ආදායම් බදු වලට අදාල මූල්‍ය වාර්තා සහ බදු ප්‍රකාශනයන් ආදායම් බදු දෙපාර්තමේන්තුව වෙත ඉදිරිපත් කිරීමයි.
මෙම වාර්තා ඉදිරිපත් කිරීමට ඔබ අපොහොසත් වුවහොත් හෝ සාවද්‍ය වාර්තා ඔබ විසින් ඉදිරිපත් කළහොත් දණ්ඩනයකට ලක්කිරීමට හෝ බන්ධනාගාරගත කිරීමට දේශීය ආදයම් බදු නීතිය තුළ ඉඩකඩ ඇත.
එමෙන්ම මෙම වාර්තා නියමිත දිනට වඩා ප්‍රමාද වී ගොනු කිරීම මත වෙනම දණ්ඩනයකට යටත් විය හැක.
නමුත්, ඔබ මෙම ආදායම් බදු ගෙවීම පිළිබඳ නොදැනුවත්නම් හෝ ඔබ කාර්තු වශයෙන් ගෙවීම් සිදුකර නැත්නම් ඔබ අනිවාර්යයෙන්ම කළයුතුදේ වන්නේ ඔබගේ ආදායම් බදු ගණනය කර ඊට අදාළ බදු මුදල ගෙවීම සහ ඔබගේ ආදායම් බදු ගොනුව ඉදිරිපත් කිරීමට අවශ්‍ය කටයුතු සිදුකිරීමයි.
මෙහිදී බොහෝ බදු ගෙවන්නන් අපගෙන් අහන ප්‍රශ්න කිහිපයකට පිළිතුරු මෙසේය.
1. ප්‍රශ්නය: තනි පුද්ගලයෙකු උපයන ලබන සියළුම ආදායමට බදු ගෙවිය යුතුද?
පිළිතුර: ඔබට මෙහිදී ඔබගේ ආදායමට පහත සදහන් සහනයන් හිමි වේ
පෞද්ගලික සහනය - රුපියල් 1,200,000 (ආයෝජන වත්කම් උපලබ්ධි වීමෙන් ලැබෙන යම් ලැබීමක් හැර)
කුලී ආදායම සදහා සහනය - තක්සේරු වර්ශයේ මුළු කුලී ආදායමෙන් 25%ක්
සූර්‍ය පැනල සදහා සහනය - තම පරීශ්‍රයේ සවිකිරීම සදහා සූර්‍ය පැනල අත්කරගෙන එය ජාතික විදුලි බල පද්ධතියට සම්බන්ධ කර, එම සූර්‍ය පැනල සදහා වැයවූ සම්පූර්ණ පිරිවැය දක්වා හෝ ඒ සදහා බැංකු ණයක් ලබාගෙන බැංකුවට ගෙවන ලද මුදල් ප්‍රමාණය තෙක් එක් එක් තක්සේරු වර්ශය සදහා රුපියල් 600,000 දක්වා
2. ප්‍රශ්නය : Payee Tax කපන වැටුපක් ලබන අයෙකු (උදා: වෛද්‍යවරයෙකු) නැවත Income Tax ගෙවිය යුතුද?
පිළිතුර : තක්සේරු වර්ශය තුළ ඔබට ඇති එකම ආදායම් මාර්ගය වැටුප පමණක් වේ නම් සහ ඒ සදහා Payee Tax අඩුකර තිබේනම් Income Tax ගෙවීමක් සිදු නොවන නමුත් ඔබගේ Payee Tax අඩු කරන ලද වාර්තාව ඇතුළත් T10 සහතිකය සමග ආදායම් බදු ගොනුව ඔබ අනිවාර්යයෙන් නොවැම්බර් 30 දිනට හෝ ඊට පෙර ඉදිරිපත් කළ යුතුය.
එමෙන්ම ඔබට තක්සේරු වර්ශය තුළ වැටුපට අමතරව, ව්‍යාපාර, ආයෝජන හෝ වෙනත් ආදායම් ජනනය වී ඇත්නම් ඒ සදහා ඔබ බදු ගෙවිය යුතුය.
3. ප්‍රශ්නය : බදු ගොනුවක් විවෘත වී තිබුනත් තක්සේරු වර්ශය තුළ කිසිදු ආදායමක් ජනනය වී නොමැතිනම් කුමක් කළ යුතුද?
පිළිතුර: ඔබට බදුගොනුවක් විවෘත වී ඇත්නම් බදු වාර්තා නියමිත වෙලාවට දේශීය ආදායම් බදු දෙපාර්තමේන්තුව වෙත ඉදිරිපත් කිරීම අනිවාර්‍යය වන අතර ඔබට කිසිදු ආදායමක් තක්සේරු වසර තුළ ජනනය වී නොමැතිනම් ඒ සදහා බදු ගෙවීමක් නොමැති නමුත්, NIL Return එකක් No Operation Letter එක සමග ඔබ ආදායම් බදු දෙපාර්තමේන්තුව වෙත ඉදිරිපත් කළ යුතුය.
ඉහත කරුණු වලට අමතරව බදු සම්බන්ධව කරුණු බලපැවැත්වෙන නීති රීති රාශියක් ඇති අතර ඔබගේ බදු ගොනුව ඉදිරිපත් කිරීමේදී ඒ සියළු කරුණු පිළිබදව සැළකිලිමත් වීම අනිවාර්‍යය වේ.
මේ සදහා ඔබට අවශ්‍ය උපදේශනය සදහා පහත Whatsapp Link එක Click කරන්න
wa.me/94761617074
#taxslip
#taxpayments
#taxreturn
#tax