#aqwalezareen

Описание: فراق یار کی بارش ملال کا موسم
ہمارے شہر میں اترا کمال کا موسم

وہ ایک دعا جو میری نا مراد لوٹ آئی
زباں سے روٹھ گیا پھر سوال کا موسم

بہت دنوں سے میرے ذہن کے دریچوں میں
ٹھہر گیا ہے تمہارے خیال کا موسم

جو بے یقین ہوں بہاریں اجڑ بھی سکتی ہیں
تو آ کے دیکھ لے میرے زوال کا موسم

محبتیں بھی تیری دھوپ چھاوں جیسی ہیں
کبھی یہ ہجر کبھی یہ وصال کا موسم

کوئی ملا ہی نہیں جس کو سونپتے محسن
ہم اپنے خواب کی خوشبو خیال کا موسم