លក្ខណ:របស់ដូងខ្ទិះ

Описание: #ដូងខ្ទិះ កើតឡើងដោយហ្សែនកំណត់លក្ខណៈការសាងម៉្សៅក្នុងផ្លែដូងមានការក្លាយខុសប្រក្រតីទៅជាសាងសារធាតុ Galactomannan ដែលបានធ្វើឲ្យសាច់ដូងប្រែទៅជាខ្ទិះ មានលក្ខណៈទន់ស្អិតរមួតខុសប្លែកពីសាច់ដូងធម្មតា ៕
#ហ្សែនកំណត់លក្ខណៈដូងខ្ទិះ
@លក្ខណៈដូងខ្ទិះ ត្រូវបានកំណត់ដោយហ្សែនមួយគូ ជាហ្សែនកំណត់លក្ខណៈអន់ recessive gene (rr កំណត់លក្ខណៈសាច់ដូងខ្ទិះ) ចំណែកដូងសាច់ធម្មតា កំណត់ដោយហ្សែនកំណត់លក្ខណៈលប់ dominance gene(RR កំណត់លក្ខណៈសាច់ដូងធម្មតា)៕
@នៅពេលដែលយកដើមដូងដែលមានសេណូទីបកំណត់លក្ខណៈសាច់ដូង ជាអេតេរ៉ូស៊ីកូត(Rr) មកដាំឆ្ងាយពីដូងធម្មតា ទិន្នផលដែលទទួលបាននឹងទៅតាមច្បាប់ម៉ងដែល គឺទទួលបានផ្លែដូងសាច់ខ្ទិះមានសេណូទីប(rr 25%)ហើយ ផ្លែដូងសាច់ធម្មតាមានសេណូទីប (RR 25% និង Rr 50%) ទើបធ្វើអោយយើងតែងតែសង្កេតឃើញថា ក្នុងមួយធ្លាយដូងអាចមានដូងសាច់ខ្ទិះតែ1ឬ2ប៉ុណ្ណោះ៕
ហេតុដូចនេះការសង្កេតជាទូទៅ បើសិនជាដូងរបស់យើងមានផ្លែដូងខ្ទិះ 1ឬ 2 ក្នុងមួយធ្លាយ មានន័យថា ដើមដូងនោះមានលក្ខណៈជាអេតេរ៉ូស៊ីកូត (Rr) យើងគ្រាន់តែជ្រើសរើសដូងសាច់ធម្មតាពីធ្លាយនោះមកបណ្តុះ យើងនឹងមានឱកាសដល់ទៅ 50% ដើម្បីទទួលផលបានដើមដូង(Rr)ដែលឲ្យទិន្នផលផ្លែជាដូងខ្ទិះ25%នៅជំនាន់បន្ទាប់ទៀត (ជាវិធីធម្មតាដែលកសិករអាចធ្វើបាន)៕
#ហេតុអីមិនយកដូងមានលក្ខណៈខ្ទិះ(rr)មកបណ្តុះតែម្តងទៅ?
@ផ្លែដូងខ្ទិះ(rr) មិនងាយបណ្តុះឲ្យដុះតាមធម្មជាតិបានទេ ទើបត្រូវប្រើបច្ចេកទេសបណ្តុះជាលិកា(tissue culture) ដើម្បីជួយឲ្យអំប៊្រីយ៉ុងរបស់ផ្លែដូងខ្ទិះអាចលូតលាស់បានបាន ទើបអាចទទួលបានដើមដូងខ្ទិះសុទ្ធ(rr)100% តែត្រូវដាំដុះនៅទីតាំងដែលឆ្ងាយពីដូងធម្មតា ប្រហែល10km ដើម្បីទប់ស្កាត់មិនឲ្យលម្អងកេសរដូងធម្មតា មកបង្កាត់ជាមួយដូងខ្ទិះ ទើបយើងអាចទទួលបានទិន្នផលផ្លែជាដូងខ្ទិះ 100%ក្នុងធ្លាយនីមួយៗ(ជាវិធីសម្រាប់ក្រុមហ៊ុនដែលមានដើមទុនច្រើន មានអ្នកជំនាញ និងបន្ទប់ពិសោធន៍ស្តង់ដា)៕

ប្រភពឯកសារ https://www.google.com/url?sa=t&sourc...