Dasa Disa Piritha - දස දිසා පිරිත (MKS)

Описание: Dasa Disa Piritha - දස දිසා පිරිත (MKS)

මෙම පිරිත් දේශනාවේ අඩංගු වන්නේ බුද්ධ, ධම්ම, සංඝ යන තුනුරුවන්ගේ අනන්ත ගුණයන්ය. බුදුරජාණන් වහන්සේ විසින් දේශනා කරන ලද ත්‍රිපිටක ධර්මය තුළ අන්තර්ගත වන ආරක්ෂක ධර්ම කොට්ඨාසය පිරිත ලෙස හැඳින්වේ. “පරිසමන්තතෝ තායති රක්ඛතීති පරිත්තං” හාත්පසින් ආරක්ෂාව සලසන බැවින් එය පරිත්ත නම් වේ.
පිරිත් දේශනාව තරම් බෞද්ධ ජනතාවගේ හදවතට ළංවුණ වෙනත් කිසිවක් නැති තරම්ය. බොහෝ දෙනෙක් පිහිටත් ආශිර්වාදයත් ආරක්ෂාවත් පතා පිරිත් භාවිත කරති. එසේ නමුත් මේවායින් ප්‍රතිඵල ලබා ගැනුමට නම් පස්පවින් තොර වූ රත්නත්‍රය පිළිබඳව විශ්වාසයක් ඇති, කරුණාව මෛත්‍රියෙන් හෙබි පුද්ගලයකු විය යුතුය. නොඑසේ නම් ඉන් ප්‍රතිඵලයක් ලබාගත නොහැකිය.

අප තිලෝගුරු බුදුන් වහන්සේ පිරිනිවන් සැතපෙන මොහොතේදී ආනන්ද හිමි ප්‍රමුඛ ස්වාමීන් වහන්සේලා උදෙසා මෙසේ වදාළ සේක. “ආනන්දය දැන් අපගේ ශාස්තෘෘන් වහන්සේ නැතැයි සිතීමෙන් ඵලක් නැත. තමන් වහන්සේ විසින් දේශිත සද්ධර්මය සහ විනයම  තමන්ගෙන් පසුවද නුඹ වහන්සේලාට ශාස්තෘෘන් වන්නේය. පිරිසුදු ශ්‍රී  සද්ධර්මය පවතින තාක්කල් බුදුරජාණන් වහන්සේ ජීවමානයි”

“සියා ඛො පනානන්ද තුම්හාකං එවමස්ස අතීතසත්ථුකං පාවචනං,
නත්ථි නො සත්ථාති න ඛො පනෙතං, ආනන්ද එවං දට්ඨබ්බං
යො වො, ආනන්ද, මයා ධම්මො ච විනයො ච දෙසිතො පඤ්ඤත්තො,
සො වො, මමච්චයෙන සත්ථා”

ඉන් පැහැදිලි වන්නේ බුද්ධ, ධම්ම, සංඝ යන ත්‍රිවිධරත්නය ආරක්ෂා කරන්නේ කොතෙක් කාලයක්ද? එතෙක් බුදුන් වහන්සේ ජීවමානව වැඩ සිටින්නා හා සමාන බවයි. උන්වහන්සේ විසින් දේශනා කරන ලද සෑම ධර්මයක්ම පිරිතක්ම ඒ හා සමානවම බලසම්පන්නය.
අද ඔබ වෙත ගෙන එන්නේ බොහෝ දෙනෙක් දන්නා නමුත් එහි ඇති කෝටියක් ගුණ ඵල ගැන නොදන්නා දස දිසා පිරිත නොහොත් චූල ජිනපංජරය පිළිබඳවයි. බුදුන්වහන්සේ රෝගී වූ අවස්ථාවක චුල්ල මහරහතන් වහන්සේ විසින් මෙම පිරිත දේශනා කරන ලද බව දැක්වෙයි.

උතූම් වූ පියදස්සී බුදුන් උතුරු දෙසින්ද, පදුම බුදුන් නැඟෙනහිර දිශාවෙන්ද, කාශ්‍යප බුදුන් දකුණින්ද, සිඛී බුදුන් බටහිරෙන්ද, ගිනිකොන දෙසින් රේවත බුදුන්ද, මංගල බුදුන් නිරිතෙන්ද, වයඹින් මේධංකර බුදුන්ද, ඊසානින් දීපංකර බුදුන්ද වැඩ සිටිති. පොළොවෙහි කකුසද බුදුන්ද, අහසෙහි සරණංකර බුදුන්ද වැඩ සිටිති. දස දිසාවන්හි වැඩ සිටිනා මේ සියලු බුදුවරුන්ගේ ආනුභාවයෙන් සෑම අතින්ම සිදුවන රෝග පීඩා සියලු අනතුරු ඇතුළු කෝටියක් උපද්‍රව විනාශ වේවා!යි යන්න මේ පිරිතෙහි ආශිර්වාදයයි.

ධර්මය ඔෟෂධයක් කරගන්න යන බුදුවදන ගරුකොට ගනිමින් බුදුවරුන් දස දෙනෙක් දිශා ගත කොට වැඩහිඳින්නේ යැයි සිතා ගනිමින් මෙම පිරිත නිතර භාවිත කිරීමෙන් ග්‍රහ අපල දුරුවේ. අනවින, කොඩිවන, හදිහූනියම් නොවදී. යක්ෂ, දේව, රජ, සොර සතූරු ගිනි ආදියෙන් ඇති වන උවදුරුද, අමනුෂ්‍යයන්ගෙන් තිරිසන් සත්ත්වයන්ගෙන් ඇතිවන උවදුරු නැතිවී යයි.

පිරිතෙන් කළ හැකි ගුරුකම්
නිවසේ හා වත්තේ ආරක්ෂාවට නොපෑගුණ තැනකින් ගත් ගල්, වැලි 1008 වරක් මතුරා නිවෙසේ හතර කොනත් ඉදිරිපස සහ පසුපස ‍ෙදාර ඉදිරිපිටත් වළලන්න. මිදුලේ සහ වත්ත පුරා වැලි ඉසින්න. යක්ෂ ප්‍රේත ‍ෙදා්ෂ යයි. විනයක් කර ඇත්නම් එහි බලය විද්වන්සනය වෙයි.

නඩුහබවලට, රාජ සභාවලට යන විට රන් තැඹිලි තෙල්වලට මින් දහස් වර මතුරා සුරයක දමාගෙන යන්න. තමා යුක්තිසහගත නම් නඩුවෙන් දිනයි. සභාවකදී තම බසට අන් අය අවනත වෙයි. අනතුරුවලින් වළකයි.
ග්‍රහ අපලවලට 108 වරක් පිරිසුදු තෙල් මතුරා අදාළ දෙවියන්ට පහන් දල්වන්න. උදේ, හවස පිරිත කියන්න. ළදරුවන්ගේ බාලගිරි ‍ෙදා්ෂයට සඳුන් තෙල්වලට මතුර ගාන්න. වලිප්පුව සඳහාත් යක්ෂ භයට නව පොට නූලක් ගෙන ගැට නවයක් ගසා 108 වරක් මතුරා බඳින්න.

විවාහයේ අසුබ ‍ෙදා්ෂ සඳහා සුදුහඳුන් තෙල් 1008 වරක් පිරිත් බල කර සුරයක පලඳින්න. නිවාසවල ඇති අමනුෂ්‍ය ‍ෙදා්ෂ දුරු කිරීමට සවස 6.00ත් 7.00ත් අතර මෙම පිරිත කියවන්න.

උපුටාගැනීම
https://mawbima.lk/2022/04/30/%E0%B6%...


#dasadisapiritha #sethpirith #pirith #පිරිත #දසදිසාපිරිත