Top News- Anije luftarake ruse e një cisternë nafte / Putin sfidon Trump, thyen bllokadën ndaj Kubës

Описание: Një anije luftarake ruse dhe një cisternë nafte e sanksionuar ka lundruar përmes Kanalit Anglez dhe me gjasë është drejtuar për në Kubë. Cisterna ruse ka kaluar Atlantikun me sugjerime se mund të jetë duke u përpjekur të thyejë bllokadën e naftës që i është vendosur ishullit nga Donald Trump. Marina Mbretërore britanike konfirmoi të enjten se kishte përfunduar një "operacion 48-orësh" në ndjekje të anijeve të Putinit nëpër ujërat britanike. Fregata ruse e klasit Steregushchiy, RFN Soobrazitelny, dhe cisterna e naftës e sanksionuar, MV Anatoly Kolodkin, u gjurmuan duke lundruar drejt perëndimit përmes Kanalit Anglez. Dy anijet ruse u ndanë më pas në skajin perëndimor të Kanalit ndërsa cisterna vazhdoi rrugën për në Atlantik ndërsa eskorta që e shoqëronte u kthye prapa. Kolodkin, që mban rreth 730,000 fuçi naftë bruto, është gjurmuar ndërsa lundron drejt Kubës, raporton Neë York Times. Destinacioni i saj përfundimtar mbetet i panjohur, por rezervat e naftës të cisternës mund të ndihmojnë Kubën për javë të tëra. Ishulli aktualisht po përballet me një kolaps që ka lënë pjesë të mëdha të ishullit pa energji elektrike. Dërgesat e naftës nga Venezuela janë ndalur që kur SHBA-të arrestoi udhëheqësin venezuelian Nicolás Maduro, duke e gjunjëzuar Kubën. Mungesa e karburantit e ka çuar sistemin tashmë të brishtë të energjisë në pikën e thyerjes. Presidenti kubanez Miguel Díaz‑Canel tha se asnjë dërgesë nafte nuk ka mbërritur në ishull gjatë tre muajve të fundit. Nëse Rusia përpiqet të thyejë bllokadën amerikane, kjo mund të rezultojë në një përballje të mundshme midis dy superfuqive.



Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Bllokada#Kuba#Putin