Tv Klan - Dëmtohet ura në aksin Librazhd-Prrenjas

Описание: Ura në afërsi të Dragostunjës, në aksin rrugor Librazhd-Prrenjas, u demontua këtë të mërkurë nga punonjësit e ARRSH-së.

Vendimi nga autoritetet për çmontimin e urës në zonën e quajtur Arrat e Gurres erdhi pas dëmtimeve të rënda që pësoi nga rrëshqitja dhe fundosja e tokës, duke përbërë një rrezik për qarkullimin e automjeteve.

Zhvendosja e rrugës dhe çarja e shtresave mbajtëse e bënë të pamundur çdo riparim. Dëmtimi i urës ka shkaktuar, që nga e diela, devijime trafiku dhe izolim të përkohshëm të disa komuniteteve, kryesisht në juglindje të vendit.

Autoritetet të martën bënë të ditur se për hapjen e qarkullimit në zonën e juglindjes së Shqipërisë do të mundësohet një rrugë alternative. Ajo do të ndërtohet mbi trasenë e hekurudhës Elbasan-Pogradec, 1.3 kilometra e gjatë, por pa dhënë një afat se kur do të përfundojë.

Ndërkohë, ka marrë zgjidhje edhe problemi i kamionëve të bllokuar prej disa ditësh në Qafë Thanë.

Burime pranë pikës së kalimit kufitar kanë thënë se Drejtoria e Përgjithshme e Doganave ka marrë kontakt me autoritetet e Maqedonisë së Veriut, të cilat do të lejojnë kthimin mbrapsht në Qafë Thanë të kamionëve. Ata do të pajisen me një dokument për t’ua mundësuar kalimin në pikën kufitare të Bllatës, nga ku më pas do të marrin Rrugën e Arbrit për në destinacion.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/