ចម្រៀងចាប៉ី ទុំទាវភាគទី០១

Описание: រឿងទុំទាវ ត្រូវបានជាស្នាដៃមួយដែលផ្សារភ្ជាប់ទៅនឹងផ្នត់គំនិតជាតិយ៉ាងជ្រាលជ្រៅ ហើយក៏បានការគាំទ្រដ៏លើសលប់ ក្នុងមជ្ឈដ្ឋានសង្គមខ្មែរ ជាពិសេសពីសំណាក់អ្នកសិក្សា អ្នកអាន។ មួយវិញទៀត រឿងទុំទាវក៏បានបញ្ចូលទៅក្នុងកម្មវិធីសិក្សានៃក្រសួងអប់រំ គ្រប់សម័យកាល។ បើយើងធ្វើការ ប្រៀបធៀប រវាងរឿងទុំទាវទៅនឹងស្នាដៃអក្សរសិល្ប៍បរទេស មួយចំនួនយើងប្រាកដជាឃើញថា តម្លៃដ៏ពិសិដ្ឋនៃស្នាដៃនេះពិតជាមានលក្ខណៈល្អពិសេស លេចធ្លោទាំងអត្ថន័យ អត្ថរូប និងអត្ថរសស្ទើរតែនឹងរកអ្វីមកបរិយាយឱ្យអស់សេចក្តីពុំបានឡើយ។ ស្របជាមួយគ្នានេះ កវីក៏បានបញ្ចេញទេពកោសល្យ ប្រកបទៅដោយគុណតម្លៃនៃសិល្ប៍វិធី ក្នុងការផ្តិតយកតថភាពសង្គមខ្មែរនាសម័យលង្វែក មកបង្ហាញ យ៉ាងប្រត្យក្ស។ ការសិក្សារឿងទុំទាវមិនត្រឹមតែផ្តល់ចំណេះដឹងជាមូលដ្ឋានពីវិស័យផ្សេងៗក្នុងសម័យ អតីតកាលនៃសង្គមខ្មែរប៉ុណ្ណោះទេ វាថែមទាំងបានបណ្តុះឆន្ទៈដល់កូនខ្មែរគ្រប់រូប ឱ្យមានមោទកភាព ចំពោះភូមិសាស្ត្រទឹកដី ព្រៃព្រឹក្សា បក្សាបក្សី ឈ្មោះ ភូមិស្រុកមួយចំនួននិងមុខរបររបស់ប្រជារាស្ត្រខ្មែរ ដែលជាអត្តសញ្ញាណជាតិពិតៗទៀតផង។