សេចក្តីស្រលាញ់របស់ព្រះយ៉េស៊ូវគ្រិស្ទ The love of Jesus for the people

Описание: សេចក្តីស្រលាញ់របស់ព្រះយ៉េស៊ូវគ្រិស្ទ The love of Jesus for the people
១កូរិនថូសទី ១៣
៤ ឯសេចក្តីស្រឡាញ់តែងតែអត់ធ្មត់ ហើយក៏សប្បុរស សេចក្តីស្រឡាញ់មិនចេះឈ្នានីស មិនចេះអួតខ្លួន ក៏មិនដែលមានចិត្តធំផង ៥ មិនដែលប្រព្រឹត្តបែបមិនគួរសម មិនដែលរកប្រយោជន៍ផ្ទាល់ខ្លួន មិនរហ័សខឹង មិនប្រកាន់ទោស ៦ មិនដែលអរសប្បាយចំពោះសេចក្តីទុច្ចរិតឡើយ គឺអរសប្បាយតែនឹងសេចក្តីស្មោះត្រង់វិញ ៧ ក៏គ្របបាំងទាំងអស់ ជឿទាំងអស់ សង្ឃឹមទាំងអស់ ហើយទ្រាំទ្រទាំងអស់ ៨ រីឯការអធិប្បាយ នោះនឹងត្រូវបាត់ទៅ ការនិយាយភាសាដទៃនឹងត្រូវឈប់ ហើយចំណេះក៏ត្រូវសាបសូន្យទៅដែរ តែឯសេចក្តីស្រឡាញ់មិនដែលផុតឡើយ ១៣ ឥឡូវនេះ នៅមានសេចក្តីជំនឿ សេចក្តីសង្ឃឹម និងសេចក្តីស្រឡាញ់ ទាំង៣មុខនេះ តែសេចក្តីដែលវិសេសជាងគេ គឺជាសេចក្តីស្រឡាញ់។

តាមអត្ថបទព្រះគម្ពីរបានប្រាប់យើងថា បុគ្គលដែលមានសេចក្តីស្រឡាញ់គឺមាន បុគ្គលិកលក្ខណៈមួយចំនួន ដូចខាងលើៈ អត់ធ្មត់ សប្បុរស មិនចេះឈ្នានីស មិនចេះអួតខ្លួន មិនដែលមានចិត្តធំផង មិនដែលប្រព្រឹត្តបែបមិនគួរសម មិនដែលរកប្រយោជន៍ផ្ទាល់ខ្លួន មិនរហ័សខឹង មិនប្រកាន់ទោស មិនដែលអរសប្បាយចំពោះសេចក្តីទុច្ចរិតឡើយ គឺអរសប្បាយតែនឹងសេចក្តីស្មោះត្រង់វិញ។

ខ្ញុំដឹងថាចំណុចទាំងអស់ខាងលើ បើយើងនិយាយគឺស្រួលស្តាប់ណាស់ ។ ហើយពិរោះម៉ែនទែន បើយើងអនុវត្ត គឺពិបាកខ្លាំងណាស់។ ប្រហែលជាមានភាពងាយស្រួល អនុវត្តន៍ ប្រសិនបើយើង អនុវត្តន៍ចំណុច ខាងលើ ទៅកាន់អ្នកដែលយើងស្រលាញ់។ តែព្រះគម្ពីបានប្រាប់យើងថាៈ
លូកា ៦:២៧
២៧ ប៉ុន្តែ ខ្ញុំប្រាប់អ្នករាល់គ្នា ដែលកំពុងស្តាប់ថា ចូរអ្នករាល់គ្នាស្រឡាញ់ពួកខ្មាំងសត្រូវ ហើយប្រព្រឹត្តល្អនឹងពួកអ្នក ដែលស្អប់អ្នករាល់គ្នាវិញ។