صلاح بن البادية - طبع الزمن غنانا السمح
Автор: معتز مكاوى Mutaz Makawi
Загружено: 2013-03-10
Просмотров: 141500
Описание:
طبع الزمنفي عيونا
بنشيل الصبر كل العمر
بنشيلو ريد بنشيلو عز
وأنت بتجينا بلا ميعاد
تحرق قلب عاشقاً بعز
وتسيبو لي ليل الشجن
أصلو طبعك يا زمن
لا راضي انت تغيرو
ولا نحن راضين بالمحن
***
قدام نشوف كم زول بكى
وقدام نشوف كم زول تعب
لا مرة لا يوم أشتكى
ولا قال خلاص صعب الدرب
كل ما يقول باكر بصل
يلقى الدرب عاند صعب
ونحن عارفين الحصل
وبرضو بنقول عاوزين نحب
وبروحنا ماشين للمحن
أصلو طبعك يا زمن
***
شوف نحن عارفين قيس شقى
وعارفنوا كان تايه وحيد
لا حبو لا ريدو اتلقى
ولا عمرو في يوم عاش سعيد
طول عمرو كان مستني ليلى
وكان بيحلم بالجديد
أهو هسة مرت ألف ليلى
وبكرضو بنفكر نريد
مع انو عارفين التمن
أصلوا طبعك يا زمن
***
أنا ما بقول يا قلبي أقسى
وخلي للحب الدرب
لكن كمان ما تكون عنيد
وتحب ليك زول ما بحب
معقولة بس زول ما بريد
يعصر وراك دم القلب
ساكت تضيع ويروح شبابك
وتفنى في نص الدرب
ويقولوا راح عمرك سداً
أصلوا طبعك يا زمن
لا راضي انت تغيرو
ولا نحن راضين بالمحن
mCcoy
Повторяем попытку...
Доступные форматы для скачивания:
Скачать видео
-
Информация по загрузке:
