மக்கள் தொகை குறைவாக உள்ள பாஜக ஆளும் மாநிலங்களில் மெட்ரோ ரயில் திட்டம் வழங்கப்பட்டுள்ள நிலையில்..?

Описание: மதுரை, கோவை மெட்ரோ ரயில் திட்டம் நிராகரிப்பு - ஒன்றிய அரசின் ஓரவஞ்சனை

மக்கள் தொகை குறைவாக உள்ள பாஜக ஆளும் மாநிலங்களில் மெட்ரோ ரயில் திட்டம் வழங்கப்பட்டுள்ள நிலையில் தமிழகத்திற்கு மட்டும் நிராகரிப்பது ஏன்? - துரைவைகோ கேள்வி?*
தூத்துக்குடி மாவட்டம் கோவில்பட்டி அருகே கடம்பூர் கே. சிதம்பராபுரத்தில் முன்னாள் மாநிலங்களவை உறுப்பினர் மதிமுக பொதுச்செயலாளர் வைகோ , மாநிலங்களலை உறுப்பினர் நிதியிலிருந்து 35 லட்ச ரூபாய் மதிப்பீட்டில் சிறுவர் பூங்கா அமைக்கப்பட்டுள்ளது. இதன் திறப்பு விழா இன்று நடைபெற்றது. இதில் மதிமுக முதன்மைச் செயலாளரும், திருச்சி நாடாளுமன்ற உறுப்பினருமான துரை வைகோ கலந்து கொண்டு சிறுவர் பூங்காவை திறந்து வைத்து பேசினார்.


அப்போது அவர் பேசுகையில் மக்கள் ஜாதி மதம் அரசியல் கட்சிகளை கடந்து நல்லவர்களுக்கு வாக்களித்து தேர்ந்தெடுக்க வேண்டும். ஓட்டு போட பணம் கொடுத்தால் வாங்கிக் கொள்ளுங்கள். ஆனால் பணம் கொடுத்து உனக்கு ஓட்டு போடாதீர்கள். அது உங்க பணம்தான் என்றார்.





இதனை தொடர்ந்து மதிமுக முதன்மை செயலாளர் திருச்சி நாடாளுமன்ற உறுப்பினர் துரை வைகோ செய்தியாளர்களிடம் பேசுகையில்


அரசு ஊழியர்களை மடைமாற்றம் செய்வதாக பாஜக மாநில தலைவர் நயினார் நாகேந்திரன் முதல்வர் மீது குற்றச்சாட்டு வைக்கிறார்.


பாஜகவும் அதன் நிர்வாகிகள் தான் மடைமாற்றம் செய்கின்றனர்.



SIRயை தவறு என்று சொல்லவில்லை, எப்படி செயல்படுத்துகின்றனர், எந்த காலத்தில் செயல்படுத்துகின்றனர் என்பதைத்தான் நாங்கள் கேள்வி கேட்கிறோம்


கடந்த காலங்களிலும் நடந்துள்ளது. கடந்த காலங்களில் ஓராண்டு வரை நடைபெற்ற நிலையில் தற்போது ஒரே மாதத்தில் செய்து முடிப்பதாக கூறுவது சாத்தியமா? எந்த ஒரு திட்டமிடல் இல்லாமல் செய்வதனால் எவ்வளவு குழப்பங்கள் வரும்


SIR. நோக்கமே தகுதி உள்ள வாக்காளர்கள் இடம்பெற வேண்டும் என்பதற்காகத்தான். ஆனால் எந்தத் திட்டமிடல் இல்லாமல் அவசர கதியில் செய்வதினால் தகுதி உள்ளவர்கள் நீக்கப்பட்டு தகுதி இல்லாதவர்கள் வாக்காளர் பட்டியலில் இடம் பெற வாய்ப்பு உள்ளது


SIR காரணமாக பணிச்சுமை அதிகரித்து உள்ளதாக வருவாய்த்துறையினர் கூறுவது முற்றிலும் உண்மை

மழை வெள்ள பாதிப்புகளை மாவட்ட ஆட்சியர்கள், அதிகாரிகள் கவனம் செலுத்துவார்களா அல்லது SIR பணியில் கவனம் செலுத்துவார்களா

கிறிஸ்துமஸ், ஆங்கில வருடப்பிறப்பு, பொங்கல் என அடுத்தடுத்து விடுமுறை நாட்களும் வர உள்ளன. விடுமுறை காலங்களில் வாக்காளர்கள் வெளியூர் சொல்லும் நிலையில் வீடுகள் பூட்டி இருப்பதாக கூறி அவர்கள் நீக்கப்படலாம்

SIR பணிகளில் ஈடுபட்டுள்ள ஊழிகளுக்கு முறையான பயிற்சி அளிக்காத காரணத்தினால் வாக்காளர்கள் எழுப்பும் சந்தேகங்களை தீர்க்க முடியாத நிலை உள்ளது


SIRயை ஒத்திவைக்க வேண்டும் என்று மதிமுக உள்ளிட்ட அரசியல் கட்சிகளும் உச்ச நீதிமன்றத்தில் வழக்கு தொடர்ந்து உள்ளோம்
ஏற்கனவே அரசு ஊழியர்களுக்கு பணிச்சுமை இருக்கும்போது SIR பணியினால் கூடுதல் பணி சுமை ஏற்படும் என்பதால் அதில் பங்கேற்க முடியாது என்று கூறுவதில் நியாம் இருக்கிறது. இதனை எப்படி மடைமாற்றம் செய்வதாக கூற முடியும்
மடைமாற்றம் செய்வது பாஜக தான்


பீகார் மாநிலத்தில் SIR நடக்கும்போது நாடாளுமன்ற எதிர்க்கட்சித் தலைவர் ராகுல் காந்தி எழுப்பிய கேள்விகளுக்கு தேர்தல் ஆணையம் இதுவரை பதில் சொல்லவில்லை. உச்ச நீதிமன்றம் எழுப்பிய கேள்விகளுக்கும் இதுவரை முறையான பதில்கள் கிடையாது


பீகாரில் தேசிய ஜனநாயக கூட்டணி வெற்றிக்கு ஓரிரு காரணங்களை மட்டும் கூற முடியாது.அதில் SIR சிறு பங்கு வகித்திருக்கலாம்
தேர்தலுக்கு முன்பு பீகாரில் ஒரு கோடியே 25 லட்சம் பெண்களுக்கு ரூபாய் பத்தாயிரம் வழங்கியுள்ளனர். அந்த ஒரு திட்டத்திற்கு மட்டும் 12, ஆயிரத்து 100 கோடி ரூபாய் ஒதுக்கீடு செய்துள்ளனர்


இலவசங்களை கொடுப்பது தவறு என்று சொல்லவில்லை. ஆனால் தேர்தல் நடப்பதற்கு ஒரு மாதத்திற்கு முன்பு அரசு நிதியை வைத்து வாக்குகளை விலைக்கு வாங்குகிற அர்த்தமாகும்


வறுமை மற்றும் வேலையின்மை அதிகமாக உள்ள மாநிலம் பீகார். அங்கு 20 ஆயிரம் கோடிக்கு மேல் பணத்தை வீசி உள்ளனர். இந்த பணத்தை வேலை வாய்ப்புக்காக தொழிற்சாலைகளை உருவாக்கி இருக்கலாம். ஆனால் வாக்குகளை வாங்க தேசிய ஜனநாயக கூட்டணி அரசு பயன்படுத்தி உள்ளது
பல குறுக்கு வழிகள் மூலமாக பாஜக, ஐக்கிய ஜனதளம், தேர்தல் ஆணையம் என மகா அயோக்கியர்கள் கூட்டணி வெற்றி பெற்றுள்ளது
மெட்ரோ ரயில் திட்டத்தின் 2017 விதிகளின்படி ஒரு மாநகரத்தில் 20 லட்சம் மக்கள் இருக்க வேண்டும், கோவை மற்றும் மதுரையில் 16 லட்சம் மக்கள் தொகை இருப்பதால் அதனால் தகுதி இழந்ததாக (நிராகரிக்கப்பட்டதாக ) ஒன்றிய அரசு சொல்கிறது


பீகாரில் உள்ள பாட்னா, ஆக்ரா, கான்பூர், குஜராத் மாநிலம் சூரத் என பாஜக ஆளுகின்ற மாநிலங்களில் 13 லட்சத்திற்கும் குறைவாக மக்கள் தொகை கொண்ட நகரங்களுக்கு மெட்ரோ ரயில் திட்டம் கொடுத்துள்ளனர்.
மெட்ரோ ரயில் திட்டத்தில் திருச்சி மாநகரையும் சேர்க்க வேண்டும் என்று மாநில அமைச்சர்களிடம் வலியுறுத்திருந்தேன். மதுரை கோவை இரண்டு நகரங்களுக்கும் மெட்ரோ ரயில் திட்டம் கிடைக்குமா என்ற சந்தேகம் இருந்தது. எதிர்பார்த்த மாதிரியே ஓரவஞ்சனையை ஒன்றிய அரசு செய்துள்ளது

இலங்கையில் தமிழக மீனவர்கள் கைது செய்யப்படுவது குறித்து மாநில அரசு நடவடிக்கை எடுக்க முடியாது. மத்திய வெளியுறவுத்துறை தான் நடவடிக்கை எடுக்க முடியும்.

முன்பு எப்பவாவது தமிழக மீனவர்கள் கைது செய்யப்படுவார்கள் . ஆனால் இன்றைக்கு வாரத்திற்கு இரண்டு நாள் நடைபெறுவதை பார்க்க முடிகிறது இதற்கு நிரந்தர தீர்வை ஒன்றிய அரசுதான் செய்ய வேண்டும்
இங்கு உள்ள தமிழக மீனவர்கள் மற்றும் இலங்கையில் உள்ள தமிழ் மீனவர்கள் பாதிக்கப்படாத வகையில் ஒரு நிரந்தர தீர்வு காண வேண்டும்


தமிழக மீனவர்கள் ஆழ் கடலில் சென்று மீன்பிடிக்க தேவையான அனைத்து வசதிகள் கட்டமைப்புகளை ஒன்றிய அரசு ஏற்படுத்தித் தர வேண்டும் என்றார்.