සැදෑ සමයේදී ජීවිතය ජයගත් Colonel Sanders - Motivation Story of KFC Founder | Nonimi Denuma

Описание: කෑමක් හොයාගන්නවත් මුදල් නැතුව හිද සිය ජීවිතයේ වයස 62දී ජීවිතය ජයගත් වයස 74දී කෝටිපතියෙකු වූ KFC අවන්හල් නිර්මාතෘ ගැන ඔබ දන්නවාද??

1890 වසරේ ඇමෙරිකාවේ ඉන්ඩියානා නුවර පතල් කම්කරුවෙකුට දාව දිලිදු දරුවෙකු ලෙස Colonel Haland Sanders ඉපදුනි. එම පවුලේ ඔහුට පසුව තවත් සොයුරෙකු සහ සොහොයුරියකු ලද අතර එදා වේල සොයාගනිමින් ජීවත් වූ ඔවුනට කනකොකා හැඩුවේ Sandersට වයස අවුරුදු 05දී ඔහුගේ පියා මිය යාමත් සමගයි. ඉන් පසු ජීවත් වීම සදහා ඔහුගේ මව පතල් රැකියාවට ගිය අතර Sandersට සිදු වූයේ අවුරුදු 05දී ගෙදරට වී දරුවන් බලා ගැනීමටයි. Sandersට වයස අවු.07දී ඔහුගේ මව ඔහුට ඉවුම් පිහුම් කියාදුන් අතර එතැන් පටන් නිවසේ සියලුම ආහාර පිසුවේ ඔහු විසිනි. Sandersට වයස අවු.13දී ඔහුගේ මව වෙනත් විවාහයක් සිදුකරගත් අතර ඉන් උරණ වු ඔහු නිවසින් පැන ආවේ තනිවම ජීවිතය සාර්ථක කරගැනීමේ අදහසිනි.

එහෙත් ජීවිතය ඔහු සිතූ තරම් ලෙහෙසි නොවන බව ඔහුට තේරුම් යෑමට වැඩිකල් නොගෙවුනි. දුම්රිය පොලේ සුලු සේවකයෙකු, රක්ෂණ නියෝජිතයෙකු, තෙල් ගසන්නෙකු ලෙස විවිද රැකියා රාශියක් කලත් කිසිදු රැකියාවක ඔහුව වැඩිකල් තබා ගත්තේ නැත. 1909දී Josephine King නැමැත්තියව විවාහ කරගත්තත් ඔවුනට ජීවත් වීමට නිසි ආදායම් මාර්ගයක් නොවීය. රැකියා 50කින් පමන එලවා දමු ඔහුව බිරිද විසින් දික්කසාද කල අතර කිසිත් කරගත නොහැකි වූ අවස්ථාවේදී ඔහුට ඔහුගේ මව කුඩා කාලයේ ඔහුට ඉවීමට කියාදුන් ආහාර මතක් විය. ඒ අතර තිබූ මවටම සුවිශේෂී වූ වට්ටෝරුවකින් සාදා බදින ලද කුකුල් මස් සිහි වූ අතර ඔහු විසින් කුඩා ලෙස ඒවා නිවසේ සාදා අසල තිබූ කාර්යාල වලට විකිනීමට පටන් ගත්තේය. ක්‍රමක්‍රමයෙන් ඉහල ඉල්ලුමක් ඊට ලැබුනු අතර ඔහු විසින් 1934 වසරේ Kentucky නුවර තෙල් පිරවුම් හලක් අසල කුඩා කඩයක් බද්දට ගෙන බදින ලද කුකුලු මස් විකිනීමට පටන් ගත්තේය. ක්‍රමක්‍රමයෙන් සාර්ථක වූ එය Sanders Court & Cafe ලෙස 1937දී වැඩිදියුනු කලේය. මස් බැදීමේදී වැඩි වේලාවක් යන බැවින් වැඩි වන ඉල්ලුම හමුවේ සැපයුම වැඩි කිරීමට Sandersට අපහසු විය. මේ අතරේ 1939දී Preassure Coocker වෙලදපොලට හදුන්වා දුන් අතර Sanders විසින් ඉන් එකක් මිලදී ගෙන එය වැඩිදියුණු කර Preassure Frier එකක් නිපදවීය. ඉන් අඩු වේලාවකින් වඩාත් රසවත් ලෙස කුකුලු මස් බැදිය හැකි වූ නිසා ඉල්ලුම තවත් ඉහල ගියේය.

ව්‍යාපාරය හොදින් දියුනු කිරීමට සිතූ Sanders 1952 වසරේදී ප්‍රසිද්ධ ව්‍යාපාරිකයෙකු වූ Pete Harman සමග එකතු වී අලුතින්ම අවන්හලක් Salt Lake City, Utah හී ආරම්භ කල අතර Harmen විසින් එයට 'Kentucky Fried Chicken' ලෙස නම් තැබීය (Kentucky නුවරදී ආරම්භ වූ නිසා). ඉතා ඉක්මනින්ම ජනප්‍රිය වූ මෙම අවන්හල් ඉන් පසු ඉතා අඩු කාලයකින් රට පුරා පමනක් නොව යුරෝපය, ආසියාව, චීනයේද ශාඛා ආරම්භ කලේය. සිය ජීවිතයේ 74වන වියේදී ව්‍යාපාර වලින් ඉවත් වීමට සිතූ Sanders KFC ආයතනය අද Yum! Brands ලෙස හදුන්වන බහුජාතික සමාගමට 1964 වසරේදී ඩොලර් මිලියන 02කට විකිනුවේය. 1980 වසරේ දෙසැම්බර් මස 16 වන දින Sanders මියගියේ ලොව දිලිදු දරුවන් රැසකට සාර්ථකත්වයේ පාර කියාදෙමිනි.

අද වන විට වසරකට කුකුලන් බිලියනයකට ආසන්නව මරු කැදවන ආයතනයක් වන KFC ආයතනය ලොව පුරා රටවල් 118ක ශාඛා 18875කින් සමන්විත ලොව බලගතුම ආයතනයකි.

වාසනාව අවාසනාව මත ජීවිතය තීරනය කරන දෙවියන්ට බනිමින් දුප්පතුන් ලෙස පොලොවට පස් වන මිනිසුන් හට Sanders හොද පාඩමක් විය..

දුප්පතෙකු ලෙස ඉපදීම තමන්ගේ වරදක් නොවේ,
නමුත් දුප්පතෙකු ලෙස මිය යාම තමුන්ගේ වරදක්ම විතරය..