ពលរដ្ឋភៀសសឹក ធឿន ម៉ាច ៖ «ខ្ញុំរត់ចោលចម្ការដំឡូង ទាំងគ្មានលុយ១០០រៀលទេ! ហើយឆ្នាំនេះ ជំពាក់គេច្រើនទៀត»
Автор: ThmeyThmey Media
Загружено: 2025-12-20
Просмотров: 899
Описание:
ពលរដ្ឋភៀសសឹក ធឿន ម៉ាច ៖ «ខ្ញុំរត់ចោលចម្ការដំឡូង ទាំងគ្មានលុយ១០០រៀលទេ! ហើយឆ្នាំនេះ ជំពាក់គេច្រើនទៀត»
ពោធិ៍សាត់៖ អ្នកស្រី ធឿន ម៉ាច និងស្វាមី បានក្រសោបកូនតូចៗ ចាកចេញពីផ្ទះ កាលពីថ្ងៃទី១២ ធ្នូ ក្រោយយោធាថៃ សម្រុកទម្លាក់គ្រាប់នៅតំបន់ភូមិសាស្រ្តអូរភ្លុកដំរី ស្រុកថ្មដា ខេត្តពោធិ៍សាត់។
តាមពិតទៅផ្ទះសម្បែងអ្នកស្រី ស្ថិតនៅឃុំអន្លង់រាប ស្រុកវាលវែង ដែលហាក់នៅឆ្ងាយពីតំបន់ហានិភ័យ។ ប៉ុន្តែដោយសារតែភាពភ័យខ្លាច ជាពិសេសអាណិតកូនតូចៗផង ទើបអ្នកស្រី ម៉ាច និងស្វាមី បានសម្រេចចិត្តចាកចេញពីផ្ទះ មកបោះតង់ជ្រកកោននៅទីតាំងមួយកន្លែង លើកំណាត់ផ្លូវជាតិលេខ៥៥ ស្ថិតក្នុងភូមិរគោ ឃុំសំរោង ស្រុកក្រវាញ ខេត្តពោធិ៍សាត់។
អ្នកស្រី ម៉ាច និងស្វាមី ចាកចេញពីផ្ទះ ទាំងគ្មានថវិកា ដោយមានត្រឹមតែសម្លៀកបំពាក់ប៉ុណ្ណោះ។ អ្វីដែលធ្វើឱ្យស្ត្រីវ័យ៣៧ឆ្នាំរូបនេះ សោកស្ដាយនោះ គឺដំណាំដំឡូង ដែលទើបតែប្រមូលរួច ជាង១ហិកតា។
អ្នកស្រី ត្រូវទុកដំឡូងចោល ហើយវេចបង្វេចខោអាវ ចេញពីផ្ទះមករកទីតាំងសុវត្ថិភាព។ «មើមដំឡូងខ្ញុំធំៗណាស់បងអើយ! ខ្ញុំរត់ចោលចម្ការដំឡូង ហើយមកនេះ គ្មានលុយ១០០រៀលទេ»។ នេះបើតាមអ្នកស្រី ម៉ាច ដែលបានបន្ថែមថា អ្នកស្រីជំពាក់បំណុលគេច្រើនទៀត បែរជាឆ្នាំនេះ រងគ្រោះដោយសារការឈ្លានពានរបស់យោធាថៃ ដែលធ្វើឱ្យប៉ះពាល់ដល់ការរស់នៅ និងជីវភាពរបស់ខ្លួនកាន់តែធ្ងន់ធ្ងរថែមទៀត។
ស្ត្រីទើបតែសម្រាលកូនបាន៣ខែរូបនេះ ចង់ឱ្យសង្គ្រាមឆាប់ផុតរលត់ ដើម្បីអាចទៅប្រកបរបររកស៊ី និងរស់នៅប្រកបដោយសុខដុមរមនាដូចមុនវិញ៕
Повторяем попытку...
Доступные форматы для скачивания:
Скачать видео
-
Информация по загрузке:
