“Nuk ka qenë e lehtë”, Arbër Hajdari tregon si u njoh me Vlera Devollin

Описание: Studioja e emisionit “Rudina” në Tv Klan mirëpriti Arbër Hajdarin, nismëtarin e njohur të fondacionit të bamirësisë “Fundjavë Ndryshe”. Përtej projekteve të tij në ndihmë të njerëzve në nevojë, Arbri prej disa kohësh ka marrë vëmendje mediatike për jetën e tij private.

Tashmë ai është fejuar me vajzën e një biznesmeni të njohur nga Kosova, Vlera Devollin, me të cilën shprehet se është i lumtur. Historia e njohjes së tyre është njësoj si në filma, Arbri nuk ishte aspak në kërkim të dashurisë, por ajo i erdhi pa pritur e pa kujtuar e tashmë ka marrë rrjedhën e saj, ndonëse nuk është aspak e lehtë.

Arbër Hajdari: Vlera është një karakter i veçantë sepse është një personazh që në fillim kur e kam takuar, kam qenë për një punë në Kosovë, për të hapur “Fundjavën” në Kosovë.

Rudina Magjistari: Nuk e njihje akoma?

Arbër Hajdari: Jo dhe Vlera as nuk është prezantuar se kush ishte dhe ka qenë familja e saj që donte të na ndihmonte për një zyrë për fondacionin atje. Teksa po na tregonte vendin atje, thotë “A po ju duhet diçka tjetër?”, se është edhe ajo gjuha që flasin shqiptarët e Kosovës që unë tashmë jam mësuar, por më mori pak kohë. Pashë tek ajo, më pëlqeu fortësia, karakteri i fortë që transmetonte dhe jam kthyer në Tiranë me shumë mendime. Nuk isha nisur fare, as nuk isha në kërkim të një personi sepse totalisht i angazhuar në to punët e mia dhe unë që mendoja “po të gjej një njeri tani do më marrë më tepër kohë dhe nuk do të merrem dot me punën”, por Vlera është një nga gjërat më të bukura që ka ardhur në jetën time dhe ka ardhur në kohën e duhur, është nga ata njerëz që më jep energji, më mbështet në çdo projekt që kam dhe anasjelltas, edhe unë jam një përkrahës i saj. Pra mendoj që jemi një çift i mirë.

Rudina Magjistari: Po si ndodhi ky momenti? Pra, ky ishte momenti kur u takuat për herë të parë, apo jo?

Arbër Hajdari: Po, u takuam për herë të parë…

Rudina Magjistari: Ku e kuptove ti që ka diçka më tepër, po të tërheq diçka më shumë ose kur pe një shenjë nga ajo që edhe ajo të shprehu një simpati të vetën?

Arbër Hajdari: Unë isha së bashku me një shokun tim atje dhe ajo ishte bashkë me disa nga njerëzit që punonin dhe na kërkuan që të rrinim për drekë. Ne jemi pothuajse i njëjti brez me Vlerën dhe ajo ishte me njerëz të së njëjtit brez. Ata tani vrisnin trurin “Kush është ky që s’e njohim ne?, Pse s’e njohim ne këtë?” dhe ishin njerëz që e kanë mbaruar shkollën jashtë, kurse unë këtu në Shqipëri. Gjatë kohës që po shkonim për drekë, këta kishin kërkuar dhe është një moment interesant sepse unë isha shumë modest, isha i lodhur, kisha dhënë një provim në shkollë po atë ditë. Këta nisën të tregonin se ku ishin arsimuar dhe unë në fillim nuk e kuptova që “ore prit se këtu ka edhe një influencë brezash, çfarë po ndodh këtu”. Pastaj unë fillova të flisja për punën time dhe Vlerën e tërhoqi puna, arritjet që ka “Fundjava” dhe më kërkoi një material të saj, një përmbledhje. I mora adresën e e-mailit dhe i thashë do të ta dërgoj kur të kthehem. Më pas i kam dërguar materialin, ka filluar duke e parë, kemi filluar duke folur, por për ne nuk ka qenë e lehtë dhe vazhdon të mos jetë e lehtë sepse Prishtina dhe Tirana janë afër, por janë edhe larg. Ne jemi munduar të shfrytëzojmë fundjavat, por Vlera ka ardhur më së shumti në Tiranë dhe është vetëm, ajo rrugë nuk është e lehtë të bëhet vetëm në çdo fundjavë. Prandaj gjej rastin ta falënderoj dhe gjithmonë i them që “Mos e humb besimin, kjo gjëja e ka një fund, do të kalojë, do të bëhet më mirë” dhe i kam thënë “Ti dhe unë duhet të jemi krenarë që nesër, pasnesër do t’iu tregojmë fëmijëve tanë këtë sakrificë që po bëjmë sot për njëri-tjetrin”.

#Rudina, një program nga autorja dhe moderatorja #RudinaMagjistari, një prej emisioneve më të ndjekur dhe të dashur për publikun duke ofruar tema të larmishme për të gjithë familjen.
SUBSCRIBE to “RTV KLAN” on YouTube for more videos! #ArberHajdari

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/