🔴LIVE: பல்வேறு துறை சார்ந்த திட்டங்களை முதலமைச்சர் தொடங்கி வைக்கிறார்

Описание: TN - DIPR.

மாண்புமிகு தமிழ்நாடு முதலமைச்சர் திரு. மு. க. ஸ்டாலின் அவர்கள்

(1) சென்னை, மெரினா கடற்கரை, காமராசர் சாலை, உழைப்பாளர் சிலை அருகில் நாளை (13.03.2026) வெள்ளிக்கிழமை காலை 10.15 மணியளவில்

பெருநகர சென்னை மாநகராட்சியின் 5 ஆண்டுகள் 2021-2026 சாதனை விளக்க குறும்படம் LED திரையில் திரையிடுவதை நேரில் பார்வையிடுகிறார்கள்.

இதனைத் தொடர்ந்து சென்னை, தலைமைச் செயலகத்தில் காலை 10.30 மணியளவில்

(2) நகராட்சி நிருவாகம் மற்றும் குடிநீர் வழங்கல் துறையின் நகராட்சி நிருவாக இயக்குநரகத்தின் சார்பில் 177.17 கோடி ரூபாய் செலவில் 35 முடிவுற்ற பணிகளையும், பேரூராட்சிகள் இயக்குநரகத்தின் சார்பில் 32.23 கோடி ரூபாய் செலவில் 9 முடிவுற்ற பணிகளையும், பெருநகர சென்னை மாநகராட்சி சார்பில் 2.50 கோடி ரூபாய் செலவில் பள்ளிக் கட்டடத்தையும் திறந்து வைக்கிறார்கள்.

மேலும், பெருநகர சென்னை மாநகராட்சி சார்பில் 16.49 கோடி ரூபாய் மதிப்பீட்டிலான 5 புதிய திட்டப் பணிகளுக்கும், சென்னைப் பெருநகர் குடிநீர் வழங்கல் மற்றும் கழிவுநீரகற்று வாரியத்தின் சார்பில் 25.79 கோடி ரூபாய் மதிப்பீட்டிலான 3 புதிய திட்டப் பணிகளுக்கும், நகராட்சி நிருவாக இயக்குநரகத்தின் சார்பில் 11.48 கோடி ரூபாய் மதிப்பீட்டிலான 1 புதிய திட்டப் பணிக்கு அடிக்கல் நாட்டி, நகராட்சி நிருவாக இயக்குநரகத்தின் அலுவலக பயன்பாட்டிற்காக 3.28 கோடி ரூபாய் மதிப்பிலான 28 வாகனங்களை அலுவலர்களுக்கு வழங்குகிறார்கள்.

(3) நெடுஞ்சாலைத் துறை சார்பில் சேலம், நாமக்கல், கோயம்புத்தூர், திருவண்ணாமலை, திருப்பூர் மற்றும் திருவாரூர் ஆகிய மாவட்டங்களில் 1843 கோடியே 85 இலட்சம் ரூபாய் செலவில் அமைக்கப்பட்டுள்ள 11 சாலைகளை பொதுமக்கள் பயன்பாட்டிற்காக திறந்து வைக்கிறார்கள்.

(4) தூத்துக்குடி மாவட்டம், உடன்குடியில், தமிழ்நாடு மின்உற்பத்தி கழகம் (TNPGCL) சார்பில், 13,077 கோடி ரூபாய் செலவில் புதியதாக நிறுவப்பட்டுள்ள 2x660 மெகாவாட் திறன் கொண்ட மிக உய்ய (Super Critical) அனல் மின் நிலையத்தின் அலகு-1னை காணொலிக் காட்சி வாயிலாக திறந்து வைத்து, மின்சார உற்பத்தினை தொடங்கி வைக்கிறார்கள்.

(5) 2025-26 ஆம் கல்வியாண்டில் அரசு கலை, அறிவியல் மற்றும் கல்வியியல் கல்லூரிகளில் காலியாகவுள்ள உதவிப் பேராசிரியர் பணியிடங்களில் முதற்கட்டமாக வரலாறு கல்வியியல், மனித உரிமைகள், இந்திய பண்பாடு மற்றும் சுற்றுலாவியல், கடல் உயிரியியல் மற்றும் வனவிலங்கு உயிரியியல் ஆகிய 5 பாடப் பிரிவுகளுக்கு தெரிவு செய்யப்பட்ட உதவிப் பேராசிரியர்களுக்கு பணிநியமன ஆணைகளை வழங்குகிறார்கள்.

(6) தமிழ்நாடு அரசு தகவல் தொழில்நுட்பவியல் மற்றும் டிஜிட்டல் சேவைகள் துறையின் சார்பில் “தமிழ்நாடு இயங்குபடம், காட்சிப்படுத்தல், விளையாட்டு, சித்திரக் கதைகள் மற்றும் விரிவாக்கப்பட்ட மெய்நிகர் கொள்கை (Tamil Nadu AVGC-XR Policy) 2026”-ஐ (Animation, Visual Effects, Gaming, Comics and Extended Reality) வெளியிடுகிறார்கள்.