BOMDOD NAMOZI O'RGANISH, BOMDOD NAMOZI ERKAKLAR UCHUN, BOMDOD NAMOZI O'QISH TARTIBI TO'LIQ 2022

Описание: Assalomu alaykum! Siz azizlarning e'tiboringizga bomdod namozini o'qish tartibi va qonun qoidalarini havola etmoqdamiz. Ushbu videoni oxirigacha ko'rish bilan Bomdod namozini o'qishni o'rganib olasiz in sha Alloh!

Bir kunda besh vaqt (bomdod, peshin, asr, shom va xufton) namoz o'qish har bir musulmonga farzdir.

BOMDOD NAMOZI

Bomdod namozi ikki rakat sunnat, ikki rakat farz – jami to'rt rakatdan iborat.
Bomdod namozining ikki rakat sunnati quyidagicha o'qiladi:

1. «Alloh rizoligi uchun qibla tomonga yuzlanib, bugungi bomdod namozining ikki rakat sunnatini o'qishni niyat qildim», deb ko'ngildan o'tkaziladi.
2. «Allohu akbar», deb iftitoh takbiri aytiladi. Bu takbirda erkaklar qo'llar kaftini qiblaga qaratib, bosh barmoqlarining uchini quloqlarining yumshoq joyiga tekkizishadi. Ayollar qo'llarini yelka barobarida ko'taradilar.

3. Qo'llar bog'lanadi. Erkaklar o'ng qo'l kaftini chap qo'l ustiga qo'yishadi. O'ng qo'lning bosh va kichik barmoqlari bilan chap qo'l bilagini ushlashadi.
Ayollar o'ng qo'lni chap qo'l us-tida tutib, qo'llarini ko'krakka qo'yadilar. Bu hol «qiyom» deyiladi. Qiyomda (tik turgan holda) sajda qilinadigan joyga qarab, navbati bilan, quyidagilar o'qiladi.

SANO DUOSI

Subhanakallouhumma va bihamdika va tabarokasmuka va taa’la jadduka va la ilaha g‘oyruk.
Ma'nosi: «Allohim! Sening noming muborakdir. Shon-sharafing ulug'dir. Sendan o'zga iloh yo'qdir».

FOTIHA SURASI

A’uzu billahi minash shaytonir rojiym. Bismillahir rohmanir rohiym. Al hamdulillahi robbil ‘alamiyn. Ar-rohmanir rohiym. Maliki yavmiddiyn. Iyyaka na’budu va iyyaka nasta’iyn. Ihdinas sirotol mustaqiym. Sirotollaziyna an’amta ‘alayhim g‘oyril mag‘zubi ‘alayhim valazzolliyn.


Fotiha surasidan so'ng bir zam (qo'shimcha) sura o'qiladi.
Yangi o'rganuvchilar quyidagi kichik suralardan birini zam qilishsa bo'ladi:

KAVSAR SURASI
Inna a’toynakal-kavsar. Fa solli lirobbika vanhar. Inna shaniaka huval abtar.

IXLOS SURASI
Qul huvallohu ahad. Allohus-somad. Lam yalid. Va lam yuvlad va lam yakullahu kufuvan ahad.

4. Zam sura tugagach, «Allohu akbar», deb ruku qilinadi. Erkaklar tirsaklari va tizzalarini bukmasdan, barmoqlarini ochgan holda, tizzalarini mahkam changallab egiladilar.
Ayollar erkaklarga nisbatan ozroq egiladilar. Tizzalarini bir oz bukadilar. Barmoqlarini jamlab tizzalarini tutadilar.
Rukuda uch marta «Subhana robbiyal aziym» (Ey buyuk Robbim, Sen barcha nuqsonlardan poksan), deyiladi.

5. Rukudan «Sami'allohu liman hamidah» (Alloh Uni hamd etganlarni eshitguvchidir), deb qad ko'tariladi, bu holat «qavma» deyiladi.
Qavma holida: «Robbana lakal hamd» (Ey Robbimiz, har turli hamd-sanolar yolg'iz Sengadir), deyiladi.

6. «Allohu akbar» deb avvalo tizzalar, ke-yin qo'llar, so'ng peshona va burun yerga tekkizilib, sajda qilinadi. Sajda qi-linayotganda oyoq panjalari qiblaga qaratiladi, erkaklarning tirsaklari yerga tegmaydi. Ayollar tirsaklarini yerga qo'yadilar. Sajdada uch marta: «Subhana robbiyal a'la» (Ey ulug' Robbim, Sen butun nuqsonlardan poksan), deyiladi.

7. «Allohu akbar» deb sajdadan bosh ko'tariladi va tiz cho'kkan holda bir oz o'tiriladi, bu holat «jalsa» deyiladi. Jalsada qo'llar, barmoqlar o'z holicha tutilib, songa qo'yiladi. Barmoq uchlari tizza bilan teng bo'lishi lozim.

Erkaklar chap oyoqlari ustiga o'tiradilar. O'ng oyoq panjalari qiblaga qaratiladi. Ayollar oyoqlarini o'ng tarafdan chiqarib o'tiradilar.

8. «Allohu akbar», deb ikkinchi marta sajda qilinadi. Sajdada uch marta: «Subhana robbiyal a'la», deyiladi. Shu bilan birinchi rakat tugaydi.

9. «Allohu akbar», deb qiyomga (tikka) turiladi.

10. Qiyomda «Bismillahir rohmanir rohiym»dan boshlab, Fotiha surasi, orqasidan bir zam sura o'qiladi.

11. «Allohu akbar», deb ruku qilinadi. Rukuda uch marta «Subhana robbiyal aziym», deyiladi.

12. «Sami'allohu liman hamidah», deb tik turiladi, ketidan «Robbana lakal hamd», deyiladi.

13. «Allohu akbar», deb sajdaga boriladi. Sajdada uch marta «Subhana robbiyal a'la», deyiladi.

14. «Allohu akbar», deb sajdadan bosh ko'tariladi va bir oz o'tiriladi.

15. «Allohu akbar», deb ikkinchi bor sajda qilinadi. Sajdada uch marta: «Subhana robbiyal a'la», deyiladi.

16. «Allohu akbar», deb sajdadan bosh ko'tarilib qa'dada o'tiriladi va quyidagilar o'qiladi:

«ATTAHIYYAT» DUOSI
Attahiyyatu lillahi vas-solavatu vattoyyibat. Assalamu ‘alayka ayyuhan-nabiyyu va rohmatullohi va barokatuh. Assalamu ‘alayna va ‘ala ibadillahis-solihiyn. Ashhadu alla ilaha illallohu va ashhadu anna Muhammadan ‘abduhu va rosuluh.

SALOVOT
Allohumma solli ‘ala Muhammadiv-va ‘ala ali Muhammad. Kama sollayta ‘ala Ibrohima va ‘ala ali Ibrohim. Innaka hamidum-majid. Allohumma barik ‘ala Muhammadiv-va ‘ala ali Muhammad. Kama barokta ‘ala Ibrohima va ‘ala ali Ibrohim. Innaka hamidum-majid.
DUO
Robbana atina fid-dunya hasanatav-va fil axiroti hasanatav-va qina azaban-nar.
17. Avval o'ng, keyin chap yelkaga qarab: «Assalamu alaykum va rohmatulloh» deb salom berilib namozdan chiqiladi.
Bomdod namozining ikki rakat farzi ham xuddi shu tartibda o'qiladi.