Tv Klan - Rama: Shpallim terroristë gardën revolucionare iraniane

Описание: Shqipëria do ta konsiderojë organizatë terroriste Gardën Revolucionare të Iranit. Kryeministri Edi Rama deklaroi në një koment në rrjetet sociale se ajo duhet të trajtohet si e tillë.

“Është koha e duhur për t’i rënë shkurt dhe për të shkuar drejt e në temë. Trupa e Gardës Revolucionare Islamike është një organizatë terroriste dhe duhet të trajtohet si e tillë. Jo vetëm përmes sanksioneve kundër Republikës Khomeiniste, por duke e quajtur zyrtarisht me emrin e saj të vërtetë dhe duke e listuar atë midis organizatave terroriste, siç kanë bërë tashmë Shtetet e Bashkuara dhe Kanadaja”.

Rama shpjegon se ky vendim vjen për shkak të viktimave të pafajshme që regjimi iranian ka shkaktuar mes popullit të tij.

“Jo vetëm sepse ne qëndrojmë të palëkundur me Izraelin dhe me vendet vëllazërore arabe që kërkojnë paqen. Jo vetëm sepse mbështesim Shtetet e Bashkuara në mbështetjen ushtarake që i japin sot Izraelit nën udhëheqjen e Presidentit Donald Trump. Jo vetëm sepse Bashkimi Evropian, përmes Presidentes Ursula von der Leyen, ka nënvizuar edhe një herë sot natyrën vrastare të regjimit të Teheranit. Por mbi të gjitha, në një ditë si kjo, kur kërkohen akte, jo vetëm fjalë, në nderim të viktimave të pafundme të pafajshme të Trupave të përgjakshme të Gardës Revolucionare Islamike”.

Kreu i qeverisë shqiptare shpreh mbështetje për përpjekjet e SHBA-së dhe Izraelit për të ndalur Teheranin të posedojë kapacitet bërthamor për të dëmtuar Izraelin apo vende të tjera paqedashëse në Lindjen e Mesme. Rama nënvizon se Shqipëria është përballur me fytyrën barbare të regjimit të Teheranit gjatë sulmeve kibernetike ndaj institucioneve shqiptare.

“Ne do ta quajmë Gardën Revolucionare atë që është dhe do ta përfshijmë në listën e organizatave terroriste, dhe u bëjmë thirrje miqve tanë evropianë të bëjnë të njëjtën gjë”.

Një reagim për situatën e krijuar në Lindjen e Mesme ka bërë edhe Ministria për Punët e Jashtme dhe Evropën. Ajo u ka bërë apel të gjithë shtetasve shqiptarë në Izrael të tregojnë kujdes të shtuar, ndërsa për ata që jetojnë në Iran këshillon vigjilencë dhe të komunikojnë menjëherë me përfaqësitë diplomatike shqiptare në rajon.

Edhe kreu i Partisë Demokratike, Sali Berisha, shprehu mbështetje për sulmin ndaj regjimit të Ajatollahëve.

“Le të urojmë që të kenë marrë përgjigjen e merituar, pasi ky regjim ka vrarë të rinj dhe të reja, qytetarë të vet, më shumë se çdo regjim i kohës së sotme. Le të urojmë që të marrin ndëshkimin e merituar, sepse prej kohësh e kanë merituar një ndëshkim të tillë”.

Berisha tha se kjo që po ndodh me Iranin është një goditje e merituar ndaj diktaturës teokratike dhe se çdo diktator tronditet kur sheh fatin e diktatorit tjetër.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/