სამცხე-ჯავახეთის სახელმწიფო უნივერსიტეტში წარმატებით დასრულდა სოციალურ-ემოციური უნარების სწავლება

Описание: პროექტის „სოციალურ-ემოციური უნარების სწავლება დაწყებითი განათლების პედაგოგებისთვის“ ფარგლებში, გადამზადდნენ საქართველოს ექვსი უნივერსიტეტის პროფესორები, როგორც თბილისიდან, ასევე რეგიონებიდან. 2024-2025 სასწავლო წელს კურსი შეთავაზებულია სტუდენტებისათვის შემდეგ ექვს უნივერსიტეტში:
სამცხე-ჯავახეთის სახელწიფო უნივერსიტეტი;
ქუთაისის სახელმწიფო უნივერსიტეტი;
ილიას სახელმწიფო უნივერსიტეტი;
თელავის სახელმწიფო უნივერსიტეტი;
კავკასიის უნივერსიტეტი;
ბათუმის სახელმწიფო უნივერსიტეტი.
პროექტის მიზანია, დაწყებითი განათლების ბაკალავრეატის სტუდენტებისთვის, სოციალურ-ემოციური უნარების სწავლება.
სტუდენტებს მიეწოდათ ახალი სასწავლო კურსი, რომელიც მოიცავს ისეთ საკითხებს, როგორიც არის: ემოციების მართვა, ურთიერთობები, თვითშემეცნება, ემპათია და ალტრუიზმი, კომუნიკაციის უნარები და კრიტიკული აზროვნება, სტრესთან გამკვლავება, მოზარდობის და ახალგაზრდა ასაკის ფსიქიკური პრობლემები და სხვა... სწავლების კურსი შედგება 15 გაკვეთილისგან, რომელიც მოიცავს ემპირიულ ინტერაქციულ აქტივობებს, როლურ თამაშებს და დისკუსიებს. აღნიშნული ცოდნის და უნარების ათვისება, დაეხმარება მომავალ მასწავლებლებს, ხელი შეუწყონ პოზიტიური ფსიქოლოგიური გარემოს შექმნას სკოლებში, სადაც ისინი იმუშავებენ.
სასწავლო კურსის ავტორები:
• სიმონ სურგულაძე, მედიცინის მეცნიერებათა დოქტორი, ლონდონის კინგს კოლეჯის (King’s College London, UK) საუნივერსიტეტო კლინიკის კრიზისული სამსახურის ექიმი-ფსიქიატრი, კინგს კოლეჯის მოწვეული უფროსი ლექტორი.
• თინა ცომაია, აკადემიურ მეცნიერებათა დოქტორი, საქართველოს საზოგადოებრივ საქმეთა ინსტიტუტის პროფესორი, ბალტიის და შავი ზღვის ალიანსის თავმჯდომარე.
• გიორგი ჭანტურია, განათლების სპეციალისტი, განათლების კოალიციის დირექტორი. (Ბატონი გიორგის ინიციატივით ყოველწლიურად ტარდება მასწავლებლის ეროვნული ჯილდოს კონკურსი).
• მედეა ზირაქაშვილი, მედიცინის მეცნიერებათა დოქტორი, ფსიქიკური ჯანმრთელობის ცენტრი „გამმას“ აკადემიური დირექტორი. (Ქალბატონი მედეა არის მოწვეული ლექტორი, ილიას სახელმწიფო და ბათუმის საერთაშორისო უნივერსიტეტებში).
საკონტაქტო პირი:
პროექტის მენეჯერი
თამარ რევაზიშვილი - [email protected]

პროექტის გენერალური სპონსორი:
Gudavadze Patarkatsishvili Foundation უდავაძე-პატარკაციშვილის ფონდი
პროექტის ოქროს სპონსორები არიან:
PASHA Bank Georgia და TBC - თიბისი