🌆

Описание: 【廣州單車一日遊】香港→廣州市單車35公里紀錄！綠道尋古、沿江踩車，黃昏下班急趕踩到火車站！DJI Action 6 + Mini 5 Pro 拍攝｜單車記61

0:00 片頭：廣州塔，四人行
01:27 第一段：廣州東站→白雲山
04:56 第二段：逆時針出發：白雲山→越秀公園
09:44 第三段：老城區探索：流花公園→陳家祠→荔灣湖
15:14 第四段：珠江沿岸行：永慶坊→廣州塔
20:19 第五段：緊急踩回程：交通提醒

片頭：廣州塔，四人行
音樂：廣州塔遠景及夜景拍攝，四人出發廣州市踩單車

第一段：廣州東站→白雲山
「由香港西九龍站出發，坐高鐵去廣州展開一日單車之旅！朝早9:33到達廣州東站後，開好摺車拎齊裝備，就開始踩足35公里，穿越廣州老城區、單車綠道同埋珠江岸邊，以單車遊方式逆時針繞一圈廣州市區之旅。今次用DJI Osmo Action 6全程第一身記錄，再加DJI Mini 5 Pro航拍，睇下廣州嘅水城風景同歷史痕跡，～準備好未？出發！
第一站我哋由廣州東站踩去白雲山山腳，白雲山係廣州嘅天然氧吧，綠意盎然，但單車不能進入，只好門口拍照留紀錄。跟住沿住麓湖公園道路慢慢踩，一路都好舒服。」

第二段：逆時針出發：白雲山→越秀公園
「第二站去越秀公園。越秀公園外圍是古城牆，充滿老廣州嘅記憶，可惜同樣單車不能進入。之後前往中山紀念堂嘅建築好莊嚴，喺度停低感受一下歷史氣息。」

第三段：老城區探索：流花公園→陳家祠→荔灣湖
「跟住我哋穿過流花湖公園，去到西關一帶。陳家祠帶出嶺南建築特色！之後就去到荔灣湖公園，旁邊嘅泮溪酒家係老字號，我哋喺度飲茶食咗個午餐。我特別用了航拍機影咗荔灣湖公園既俯瞰景色，荔灣湖同旁邊嘅泮溪酒家青磚屋頂真係好靚！」

第四段：珠江沿岸行：永慶坊→廣州塔
「下晝我哋踩經永慶坊，睇荔枝灣涌水道景觀，再經過二沙島同白天鵝賓館。之後就係今日重點——沿江路綠道同沙面島綠道！一路沿住珠江踩，吹住風睇風景，真係好寫意。臨近黃昏，我哋到達廣州塔腳下，由日落拍到入夜，睇住佢亮燈，真係超級震撼！」

第五段：緊急踩回程：交通提醒
「不過開心嘅時間過得特別快……廣州下班時間路面真係好擠擁，我哋趕去廣州東站嘅時候差啲趕唔切火車！建議大家如果好似我哋即日來回，可以考慮由廣州東坐動車去羅湖，車次密啲，時間容易控制。最後我哋喺羅湖食埋晚飯先返香港，結束呢趟完美又好玩嘅單車一日遊！」

結尾：
「今次全程用了DJI Action 6同Mini 5 Pro拍攝，以D-Log M 10-bit記錄，有更好既後期調色空間。如果大家想睇更多單車遊或者有咩好既廣州單車遊攻略，不妨都留言話比我知道，仲要記得Like、Subscribe同分享比有去廣州單車遊興趣既朋友！今次影片到這裡，希望下次再去探索更多唔同地方踩單車啦～拜拜！」

影片標籤（Tags）：
#廣州單車遊 #香港高鐵即日來回 #廣州一日遊 #廣州騎行路線 #廣州綠道 #珠江景色 #廣州塔 #白雲山 #陳家祠#荔灣湖 #DJIAction6 #DJIMini5Pro #單車旅行 #廣州水城 #越秀公園 #中山紀念堂 #航拍廣州 #廣州自由行 #香港人遊廣州 #踩單車vlog

Music： Youtube music