నెల్లూరు నగర సుందరీకరణలో మరో కీలక ఘట్టం హరనాథపురం సర్కిల్‌లో 'సూర్య నమస్కార' విగ్రహాలు

Описание: నెల్లూరు నగర సుందరీకరణలో మరో కీలక ఘట్టం ఆవిష్కృతమైంది. హరనాథపురం సర్కిల్‌లో ఏర్పాటు చేసిన అత్యద్భుతమైన 'సూర్య నమస్కార' ప్రతిమలను రాష్ట్ర మున్సిపల్ శాఖ మంత్రి పొంగూరు నారాయణ మరియు రూరల్ ఎమ్మెల్యే కోటంరెడ్డి శ్రీధర్ రెడ్డి ఘనంగా ప్రారంభించారు. ఆధ్యాత్మికతతో పాటు ఆరోగ్య సందేశాన్ని చాటిచెప్పేలా తీర్చిదిద్దిన ఈ విగ్రహాలు నగరానికి కొత్త శోభను తెచ్చాయి.. ఈ సందర్భంగా మంత్రి నారాయణ మీడియాతో మాట్లాడుతూ నెల్లూరు సిటీ మరియు రూరల్ ప్రాంతాల్లో మౌలిక సదుపాయాల కల్పనకు మేము అత్యంత ప్రాధాన్యత ఇస్తున్నాం అని. ఈ క్రమంలోనే ముత్తుకూరు రోడ్డు సరిహద్దులో సూర్య నమస్కార విగ్రహాలు, వాటర్ ఫౌంటైన్ మరియు వాకింగ్ ట్రాక్‌తో కూడిన ఆధునిక పార్క్‌ను త్వరలో ప్రజలకు అందుబాటులోకి తెస్తామన్నారు. అనంతరం రూరల్ ఎమ్మెల్యే కోటంరెడ్డి శ్రీధర్ రెడ్డి మాట్లాడారు. రూరల్ నియోజకవర్గ సరిహద్దు ప్రాంతమైన హరనాథపురం సర్కిల్‌లో నగర సుందరీకరణలో భాగంగా సూర్య నమస్కారాల ప్రతిమలను ఆవిష్కరించుకోవడం చాలా సంతోషంగా ఉందని. మంత్రి నారాయణ చొరవతో నెల్లూరులో గతంలో ఎన్నడూ లేని విధంగా అభివృద్ధి పనుల జాతర కొనసాగుతోందన్నారు. కార్పొరేట్ పాఠశాలలకు ధీటుగా మున్సిపల్ స్కూళ్లను అంతర్జాతీయ స్థాయిలో ఆధునికీకరించి పేద విద్యార్థులకు నాణ్యమైన విద్యను అందిస్తున్నాం అని. ముఖ్యమంత్రి చంద్రబాబు నాయుడు నాయకత్వంలో, మంత్రి నారాయణ సహకారంతో నెల్లూరు కార్పొరేషన్ పరిధిలో చారిత్రాత్మక అభివృద్ధి పనులు జరుగుతున్నాయన్నారు. 2014-19 మధ్య జరిగిన అభివృద్ధి మళ్ళీ ఇప్పుడు కూటమి ప్రభుత్వం వచ్చాక అదే వేగంతో ఊపందుకుంది అని ఎమ్మెల్యే తెలిపారు.ఈ కార్యక్రమంలో మేయర్ దేవరకొండ సుజాత,డిప్యూటీ మేయర్ రూప్ కుమార్ యాదవ్ , కమిషనర్ నందన్ మాజీ మున్సిపల్ చైర్ పర్సన్ తాళ్ళపాక అనురాధ, మాజీ జెడ్పిటిసి విజేత రెడ్డి, రాష్ట్ర నాయకులు కోటంరెడ్డి గిరిధర్ రెడ్డి, స్థానిక టిడిపి ముఖ్య నేతలు నాయకులు తదితరులు పాల్గొన్నారు.