ගාල්ල දිස්ති‍්‍රක් කි‍්‍රකට් සංගමයේ සභාපති ඝාතනයේ සැකකරු අත්අඩංගුවට

Описание: ගාල්ල දිස්ති‍්‍රක් කි‍්‍රකට් සංගමයේ සභාපති පේ‍්‍රමසිරි හැලඹගේ මහතාගේ ඝාතනයට සම්බන්ධ බවට සැක කරන තවත් සැකකරුවෙකු පොලිසිය අද අළුයම අත්අඩංගුවට ගෙන තිබෙනවා.

ඝාතනයට යොදාගත් ගිනි අවි 2 ක් සමග සැකකරුවන් පැමිණි මෝටර් රථය ද පොලිස් භාරයට ගනු ලැබුවා.

සිය ජීප් රථයෙන් නිවස බලා එමින් සිටි ගාල්ල දිස්ති‍්‍රක් කි‍්‍රකට් සංගමයේ සභාපති පේ‍්‍රමසිරි හැලඹගේ මහතා අම්බලන්ගොඩ මානිමුල්ල ප‍්‍රදේශයේ ඔහුගේ නිවස ආසන්නයේදී වෙඩි තබා ඝාතනය කෙරුණේ පසුගිය අගෝස්තු 12 වැනිදා රාත‍්‍රී කාලයේදී.

අදාල ඝාතනය සම්බන්ධයෙන් පොලිස් කණ්ඩායම් 3 ක් විමර්ශන සිදුකළ අතර මාස එකහමාරකට ආසන්න කාලයක් තුලදී මෙම ඝාතනයේ සුළමුල හෙළිකරගැනීමට පොලිසිය සමත් වුණා.

ඒ අනුව ඝාතනයට සම්බන්ධ ප‍්‍රධාන සැකකරු ගාල්ල කොටුව ප‍්‍රදේශයෙන් අත්අඩංගුවට ගත් අතර ඔහුගෙන් ප‍්‍රශ්න කිරීමෙන් අනතුරුව තවත් සැකකරුවෙකු බත්තරමුල්ල ප‍්‍රදේශයේදී අද අළුයම අත්අඩංගුවට ගෙන තිබෙනවා.

ඔහු හීනටිය වතුගෙදර ප‍්‍රදේශයේ පදිංචි 24 හැවිරිදි තරුණයෙක්.

ඝාතනයට යොදාගත් බව පැවසෙන ටී56 වර්ගයේ ගිනි අවියක්, පිස්තෝලයක්, මැගසින් 2 ක් හා ජීව උණ්ඩ 19 ක් ප‍්‍රධාන සැකකරු පදිංචිව සිටි දොඩන්දූව පිංකන්ද ප‍්‍රදේශයේ පිහිටි නිවසේ තිබී පොලිසිය සොයා ගත්තා.

ඝාතකයන් පැමිණි වාහනය ද පොලිස් භාරයට ගෙන ඇති අතර එය බත්තරමුල්ල ප‍්‍රදේශයේ ආයතනයකින් කුලී පදනම මත ලබාගත් එකක් බවයි පොලිස් පරීක්ෂණවලදී අනාවරණය වී ඇත්තේ.

මේ අතර බම්බලපිටිය කෝටිපති ව්‍යාපාරිකයා පැහැරගෙන ගොස් ඝාතනය කිරීම සම්බන්ධ නඩුව අද කැඳවනු ලැබුවා.

එහිදී දැනට රක්ෂිත බන්ධනාගාර ගතකර සිටින සැකකරුවන් නවදෙනා ලබන 13 වැනිදා යළි රක්ෂිත බන්ධනාගාර ගත කරන ලෙස කොළඹ අතිරේක මහේස්ත‍්‍රාත් නිශාන්ත පීරිස් මහතා නියෝග කළා.

9 වැනි සැකකරුගේ ජංගම දුරකනය සහ වාහනය ගැන ජී.පී.එස්. තාක්ෂණය ඔස්සේ පරීක්ෂා කර වාර්තාවක් ලබාදෙන ලෙස මහේස්ත‍්‍රාත්වරයා මොරටුව විශ්ව විද්‍යාලයට නියෝග කළා.