Klan News - Nis kompensimi i dëmeve nga zjarret

Описание: Viti 2025 ishte një nga vitet më të vështira sa i përket zjarreve në vend. Qeveria ka miratuar fondin prej 191.5 milionë lekësh për kompensimin e dëmeve nga zjarret.

Sipas ministrit të Mbrojtjes, Pirro Vengu, kompensimi i dëmeve nga zjarret në 10 bashki të vendit ka nisur prej datës 30 dhjetor dhe shpërndarja do të vijojë përgjatë muajit janar 2026, nga Agjencia Kombëtare e Mbrojtjes Civile drejt bashkive.

Zjarret gjatë verës, kryesisht në periudhën 15 qershor-15 shtator 2025, kanë sjellë dëme të mëdha në banesa, kullota dhe kultura bujqësore. Në total janë shkrumbuar nga flakët rreth 50 banesa, mijëra hektarë pyje dhe tokë bujqësore, duke lënë pas hektarë të djegur me ullinj dhe vreshta. Po ashtu ka pasur dëme të konsiderueshme në bagëti, kryesisht në dele dhe lopë, ndërsa janë shkrumbuar edhe 230 koshere me bletë.

Zjarret kanë shkaktuar dëme kryesisht në zonën e jugut të vendit. Qarku me sipërfaqen më të madhe të përshkruar nga flakët është qarku i Vlorës, me mbi 20 mijë hektarë të djegur.

Ndërkohë, dëmet më të mëdha në banesa i ka pësuar Deliva dhe fshati Skënderbegas në Gramsh. Sipas të dhënave të sistemit europian të monitorimit të zjarreve EFFIS, gjatë vitit 2025 janë djegur 59,888 hektarë, ndërkohë që në total janë shënuar 131 zjarre.

Klan News

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan