CBC TV XƏBƏR BURAXILIŞINI İLK DƏFƏ CƏBHƏ XƏTTİNDƏN YAYIMLADI

Описание: CBC kanalı Azərbaycan teleməkanında daha bir yeniliyə ,ilkə imza atdı. Cəbrayılın Cocuq Mərcanlı kəndindən canlı bağlantı qurdu. Hər gün milyonlarla tamaşaçının izlədiyi xəbərlər proqramı, məhz bu gün Cocuq Mərcanlıdan yayımlandı.
Çəkiliş qurupumuz Cocuq Mərcanlıya çatanda artıq günorta idi. Burada yeni salınan qəsəbədə ağaclar da təzə əkilib. Bu səbəbdən də qızmar günəşin altında işləməyin çətin olacağını öncədən hamımız anlayırdıq. Amma hər birimiz üçün mühüm olan görəcəyimiz işin məsuliyyəti və vicdan yükü idi. Bu Vətən, dövlət və həm də jurnalistika qarşısında şərəfli bir missiya idi. Bu məsuliyytdən yaranan gərginlik və həyəcan hələ efirin başlanmasına bir neçə saat qalməş hər kəsi bürümüşdü.
Bu gərginlik əbəs yerə deyildi. Çünki sadəcə bu bir neçə dəqiqəlik canlı bağlantı deyildi. Bu, studiya formatının açıq havaya köçürülməsi idi, həyatın yenidən qurulmağa başladığı məkanda səyyat studiya qurmaq idi-xüsusi reportajlarla, dəvət edilən qonaqlarla birgə.
Texniki heyyət açıq havada qurulacaq studiyanın yerini təyin edib avadanlığın yerləşdirilməsi ilə məşqul idi. Heyyətin digər üzvləri efirə dəvət edilən qonaqlarla müzakirələr aparırdı. Cocuq Mərcanlı cəbhə xətii olduğundan burada müəyyən mobil məhdudlaşdırmaların baş verməsi təbiidir, lakin texniki heyətimiz bu problemi öncədən həll etmişdi. Avadanlıq və Bakıdakı mərkəzi studiya ilə bağlantı Test edildi, hər şey qaydasında idi. Saat 17-də CBC-TV-nin Azərbaycan dilində xəbərlər buraxılışının başlanmasına 30 dəqiqə qalmış hər kəs öz yerini tutdu. CBC kanalının əsas studiyasında yaşanan həyəcan və gərginlikdən də xəbərimiz vardı. Çünki bu bir ilk, yenilik idi. Hamılıqla İlk dəfə səyyar formatda efirə çıxacaq xəbərlər buraxılışının qüsursuz olması üçün əlindən gələni edirdi. Budur- saat 5 tamamdır və aparıcı Günay yemarqızı tamaşaçıları qürurla Cocuq Mərcanlıdan salamlayır.
Silahlı Qüvvələr günündə xəbərləri məhz Cocuq Mərcanlıdan təqdim etməyimiz səbəbsiz deyildi. Çünki Cocuq Mərcanlı Azərbaycan ordusunun müasir tariximizdəki ən böyük tarixi uğurlarından biridir. Düşmən işğalı altında olan qədim Azərbaycan torpaqlarının mütləq azad ediləcəyini və böyük qayıdışı bəyan edən hərbi uğur. Belə bir gün Cocuq Mərcanlı kimi strateji əhəmiyyətli məkandan birbaşa xəbər yayımının məsuliyyətinin ən mühüm hissəsini çiyinlərində daşıyan aparıcı Günay Yelmarqızı qızmar asfaltın üstündə, açıq günəş altında efir aparmağın əziyyətini deyil, tamaşaçını məmnun etməyi düşünürdü.". 45 dəqiqə milyonlara tamaşaçıya xəbəri çatdırmaq – həm də Cəbhə xəttindən – Bu, hər bir aparıcının karyerasında zirvə nöqtələrdən biri sayıla bilər.
45 dəqiqə davam edən Xəbərlər buraxılışı uğurla başa çatdı. Bu müddət ərzində hər hansı narahatlıq və güvənsizlik hiss etmədik. Bu o deməkdir ki, Cocuq Mərcanlıda təhlükəsiz həyat təm bərqərar olunub. CBC Televiziyasının bu addımı həm də o mesajı daşıyır ki, bu kənd asayış içindədir, hər bir Cocuq Mərcanlı sakini Ali baş komandana və Ordumuza güvənib tam arxayınlıqla gəlib burada yaşaya bilər. Çünki Qüdrətli ordumuz onların təhlükəsizliyinin keşiyinədir. Məhz Qafqazın ən güclü ordusu sayılan Azərbaycan silahlı qüvvələrinin Aprel döyüşləri zamanı göstərdiyi qəhrəmanlıq nəticəsində işğal altındakı torpaqlarımızın bir hissəsi, eləcə də strateji əhəmiyyətli Lələ Təpə yüksəkliyi azad olundu. Lələ Təpə yüksəkliyinin azad olunması ilə Cocuq Mərcanlı kəndinin təhlükəsizliyi təmin olundu. Prezident İlham Əliyev kəndin yenidən qurulması barədə sərəncam imzaladı. Nəticədə çox qısa müddətdə Cocuq Mərcanlıda bu gün gördüyümüz mənzərə yarandı. Bu, böyük qayıdışın başlanğıcıdır.