قمة المجد || أوبريت حفل تكريم الشاعر زامل الحميدي السبيعي - كلمات نخبة من الشعراء - اداء فهد بن فصلا

Описание: قمة المجد ||

أوبريت حفل الوفاء لـ تكريم الشاعر :
زامل بن الحميدي السبيعي ( بيرق سبيع )

كلمات :
حزمي سعد - ناصر الحمادين - مطلق بن شوية - دسمان مناحي

اداء :
فهد بن فصلا

تصميم ومونتاج :
عمر السبيعي

———————————-

استوينا واعتدلنا على القمه
قمة المجد وشموخه ونبراسه

ننطح الميقاف بالعزم والهمة
ونذهل التاريخ ونطير عماسه

هيبة اسمانا تسولف بها الامه
والفخر حنا اصله وفصله وساسه

كل موقف عز نبداه ونتمه
وكل مطنوخ انتنومس بنوماسه

علمو زامل ترانا بني عمه
ما نجنب والمواقيف حساسه
حزمي بن سعد
—————

اصوكٍ دايم وهو نافذٍ كمه
فوق عرش وسبعة انعام مجلاسه

كل ماقمنا نبي ننطح مهمه
لين زامل قدمنا عاصبٍ راسه

في خلايا مخ زامل وفي دمه
عزوتين ٍ دونها يلفظ انفاسه

لاوقف والصف والناس ملتمه
يشرب الفنجال مايشرب الكاسه

هيه خلوها ليا جات من فمه
لاتغارب خصمه يضيع الطاسه

ناصر الحمادين
——————
يستحق الشكر والحفل واللمه
من جماهيره ومن ربعه وناسه

عزوتين من نصاها جلت همه
يفتخر في مشلح العز لباسه

مجدنا محفوظ في كل جمجمّه
ماكتبنا مجدنا فوق قرطاسه

فعلنا تقراه الاجيال وتصمه
ومن يجارينا يبا يعلن افلاسه

عودنا لاقام تبرا به الذمه
وغمرنا ماينثني عزمه وباسه

مطلق بن شويه
————————-
علّم اللي يفهم العلم ويظمه
ما احتزمنا للمواجيب عساسه

العبل قدامنا نقلبه حمه
من فم اللي ينفض الماو ترباسه

لا وردنا مانجنب عن الجمه
والوغاء حنا شبوبه ومقباسه

حشمة اللي كلنا نلتفت يمه
لاجتمع طيبه وفكره وهوجاسه

استلم تاج البطولات من عمه
والقلم والحبر والختم والماسه

دسمان بن مناحي


#علمو _زامل_ترانا_بني_عمه #زامل_السبيعي #سبيع #حزمي_سعد #ناصر_الحمادين #مطلق_بن_شوية #دسمان_مناحي
#كل_ماقمنا_نبي_ننطح_مهمه_لين_زامل_قدمنا_عاصب_راسه