სოფლის მხარდაჭერის პროგრამა სამეგრელო-ზემო სვანეთში

Описание: სამეგრელო-ზემო სვანეთის რეგიონში სოფლის მხარდაჭერის პროგრამის ფარგლებში 250-ზე მეტი სოფლის კრება და კონსულტაცია ჩატარდა, სადაც მოქალაქეებმა თავად აირჩიეს პრიორიტეტები და განსახორციელებელი პროექტები. რეგიონში პროგრამის ბიუჯეტი 7 მილიონ ლარამდეა.

შეხვედრებს ამჯერად მარტვილის სოფელ ინჩხურსა და აბაშის სოფელ ონტოფოში სახელმწიფო რწმუნებული დავით ვერავა დაესწრო. თითოეულმა სოფელმა ინფრასტრუქტურული პროექტის განსახორციელებლად თანხა მოსახლეობის რაოდენობის გათვალისწინებით მიიღო.

ადგილობრივი მაცხოვრებლები ხმათა უმრავლესობით თავად წყვეტენ, რას მოხმარდება დასახლებისთვის გამოყოფილი ბიუჯეტი.

საკონსულტაციო შეხვედრები რეგიონის მუნიციპალიტეტის ყველა სოფელში გაიმართება. სოფლის მხარდაჭერის პროგრამა ცენტრალური ხელისუფლების დაფინანსებით ხორციელდება.