154 të arrestuar në 1 javë

Описание: #arrestime #polici #burg

Policia e Shtetit ka bërë bilancin e javës, ku sipas shifrave të publikuara, janë proceduar penalisht 441 qytetarë, janë arrestuar 154 të tjerë, ndërsa 24 janë shpallur në kërkim.

Gjatë kësaj jave, është bërë i mundur lokalizimi dhe kapja e 27 personave në kërkim, nga të cilët 26 janë në kërkim kombëtar dhe 1 në kërkim ndërkombëtar për vepra të ndryshme penale.

Në fushën e armëmbajtjes pa leje janë goditur 11 raste dhe janë sekuestruar 6 armë zjarri, 2 armë gjahu, 7 thika, 1 dorezë dhe 1 shkop si i Policisë.

Gjatë kësaj jave janë finalizuar 32 operacione policore dhe 1 megaoperacion, për goditjen e paligjshmërive në fusha të ndryshme.

Njoftimi i Policisë:

54 shtetas të arrestuar, 16 shtetas të shpallur në kërkim dhe 127 shtetas nën hetim, si rezultat i 2 fazave të megaoperacionit antidrogë “Knock Doën”, të zhvilluar nga DVP Korçë. Kokainë, heroinë, kanabis, armë zjarri dhe sende të tjera të kundërligjshme, të sekuestruara gjatë 2 fazave të këtij megaoperacioni.

1 ton e 162 kg lëndë plasëse, 3815 kapsolla elektrike, të sekuestruara dhe 6 shtetas të vënë në pranga, si rezultat i finalizimit të operacionit “Toka e artë”, nga DVP Dibër. Operacioni goditi përdorimin e tregtimin e kundërligjshëm të lëndëve plasëse dhe informalitetin.

Ka vijuar megaoperacioni “Kuito”. Policia e Vorës vuri në pranga një 46-vjeçar, i cili lëvizte me dokumente të falsifikuara, me masë sigurie “Arrest në burg”, pasi ishte i kërkuar si pjesëtar i një grupi kriminal që dyshohet se do të trafikonte drejt vendit tonë, 137 kg kokainë, në vitin 2019.


SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan