«Дінтану негіздері» пәні қосымша сабақ болып қалады

Описание: Еліміздің мектептерінде «Дінтану» қосымша сабақ түрінде қалады. Бұл туралы бүгін Мәжілісте 12 жылдық білім беру жүйесін талқылау кезінде айтылды.

Қазір «Дінтану негіздері» пәні 9 сыныптан оқытылады. Оған факультативтік сағаттар есебінен оқу жылына 34 сағат бөлінген. Ал оқыту стандарттарын жаңартуға келгенде депутаттар министрмен келіспеді.

Әсіресе мектептерді оқулықтармен қамтамасыз ету мен олардың сапасы алаңдатады. Үш тілде білім беру мен кадр мәселесі де айтылды.

Бекболат Тілеуханов, ҚР Парламенті Мәжілісінің депутаты

-Оқулықты ЖШС-ға бермей, жауапты мекемеге беру керек. Себебі ЖШС-ға оқулық шығаруға болмайды. Ол – ақша табуды көздеген фирмалар. Оқулық министрліктің жанынан құралған ғалымдар тобы жасау қажет.

Ерлан Сағадиев, ҚР Білім және ғылым министрі

-Биылғы жылы ең бірінші іс. 1 сыныптан бір оқулық енгізіліп отыр. 2016 жылдан бастап оқулықты кім оны шығарса да, дайындаса да, оқулықтың құқығы мемлекетке берілді.