Tv Klan - Politika uron "Ditën e Verës"

Описание: Ky 14 mars bëri bashkë politikën në urimet e saj për Ditën e Verës. Presidenti Bajram Begaj zgjodhi rrjetet sociale për të dhënë mesazhin e tij për qytetarët, ku theksoi rëndësinë e kësaj feste të lashtë në traditën dhe kulturën shqiptare, si një ritual që ka mbijetuar ndër shekuj dhe që lidhet ngushtë me natyrën dhe shpirtin e popullit tonë.

Edhe Kryeministri Rama urimin e tij e bëri përmes një fotoalbumi të shpërndarë në rrjetet sociale.

Ndërsa Sali Berisha, si çdo 14 mars, urimin për Ditën e Verës e dha nga Elbasani, i kthyer në kryeqendrën e festimeve për mbarë shqiptarët.

I shoqëruar nga bashkëshortja, kryedemokrati tha se 14 marsi është një ditë gëzimi dhe frymëzimi për qytetarët.

“Si kryeqyteti i festës për mbarë kombin, u uroj gëzuar Ditën e Verës, festën më të lashtë jo vetëm të shqiptarëve, ç’është e vërteta, por edhe të kombeve të tjera, një ditë që ngjall shpresë, frymëzon ripërtëritje, një ditë pra gëzimi”.

Por edhe kjo festë nuk kaloi pa mesazhe politike.

“Është e trishtë dhe e dhimbshme se në 34 vite kjo është dita e parë e verës në të cilën dyert e Europës u mbyllën për shqiptarët për shkak të veprimeve të pashembullta në historinë e vendeve që shkojnë drejt integrimit nga dyshja Rama-Balluku”.

Akuzat në adresë të Kryeministrit Rama i vijoi edhe gjatë një takimi që pati me disa familje elbasanase.

“Por Dita e Verës është dita e ndryshimit, është dita e ripërtëritjes, kështu që ne ecim të sigurt se ditën tjetër të verës do ta bëjmë shumë më mirë. Do t’i kemi dyert e ëndrrës sonë evropiane të hapura”.

Gjatë vizitës në Elbasan, lideri i demokratëve vizitoi edhe panairin e organizuar në këtë qytet, si dhe vendosi veroren.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/