Tv Klan - Meksika në luftë pas vrasjes së 'El-Mencho-s'

Описание: Meksika duket sikur ka hyrë në gjendje lufte. Këto pamje tregojnë qytetin bregdetar të Puerto Vallarta (Puerta Vajarta), ku shtellunga të dendura tymi kanë mbuluar çdo cep të horizontit.

Makina të djegura, biznese në flakë dhe rrugë të bllokuara dëshmojnë për një gjendje lufte që ka paralizuar vendin.

Dhuna shpërtheu pas vrasjes së Nemesio Rubén Oseguera Cervantes, i njohur si "El Mencho", kreu i pamëshirshëm i Kartelit të Gjeneratës së Re të Jaliscos (Halisko). Ai u ekzekutua të dielën gjatë një operacioni blic të forcave speciale në qytezën malore të Tapalpas, rreth 200 kilometra larg Puerto Vallartas. Operacioni, i mbështetur nga inteligjenca amerikane, përfshiu helikopterë dhe qindra ushtarë, duke lënë të vdekur "El Mencho-n" dhe të paktën 6 anëtarë të tjerë të kartelit.

Deri më tani raportohen të paktën 25 të vdekur. Mes viktimave janë 7 anëtarë të kartelit, 7 pjesëtarë të Gardës Kombëtare, policë dhe disa civilë të kapur në mes të zjarrit.

Ky filmim tregon kaosin që përfshiu aeroportin e Haliskos, që njihet si qytet rezortesh turistike, pasi u sulmua nga pjesëtarët e kartelit të drogës.

Ndonëse epiqendra është shteti i Jalisco-s, tensionet janë përhapur në më tepër se gjysmën e Meksikës. Grupet rivale kanë nisur një luftë të përgjakshme për të kapur rrugët e trafikut të drogës në një moment dobësie për kartelin e El Menchos, duke u përleshur egërsisht si me njëri-tjetrin, ashtu edhe me forcat e sigurisë.

Presidentja Claudia Sheinbaum ka bërë thirrje për qetësi, ndërsa ka mobilizuar mijëra trupa shtesë. Nga ana tjetër, Shtetet e Bashkuara, përmes Ambasadës në Meksikë, kanë lëshuar një "Alarm të Kuq", duke urdhëruar qytetarët e tyre të qëndrojnë të mbyllur dhe të evitojnë lëvizjet, ndërsa vlerësojnë goditjen e rëndë ndaj rrjetit që merrej edhe me trafik të jashtëligjshëm qetësuesish.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/