Лөгөй нэһилиэгин булчута, Петухов Виталий Валерьевич аатынан ыытыллыбыт булчут “Байанай” күрэҕэ 2022

Описание: Лөгөй нэһилиэгин булчута Петухов Виталий Валерьевич аатынан Лөгөй нэьилиэгин “Байанай” күрэҕин балаһыанньата:

Сыала-соруга :
1. Биир дойдулаахтарбыт, булчуттар ааттарын үүнэр көлүөнэҕэ билиһиннэрии, киэҥ араҥаҕа сырдатыы;
2. Чөл-доруобай, олоҕу пропагандалааһын, эдэр көлүөнэ ыччаты булт көрүҥнэригэр уһуйуу;
3. Эр дьон бултка дьо5урдарын сайыннарыы, көхтөөх буолалларын ситиһии.

Буолар сирэ: Уус-Алдан улууһа, Лөгөй нэһилиэгэ, Кэптэни бөһүөлэгэ. Кэптэни эбэтэ.

Күнэ-дьыла: Муус устар ый 9 күнэ 2022 с., 10 ч. 00 мин.

Тэрийээччилэр: Олохтоох дьаһалта, Кэптэни бөһүөлэгин «Добун» эр дьонун түмсүүтэ, Петухов Виталий Валерьевич бииргэ тереебуттэрэ, аймахтара,до5отторо

Курэх ирдэбиллэрэ:
Хамаанда: 4 эр киьи (сааһыттан тутулуга суох), биир кэлим форма, хамаанда аата,
сүгэ, батарантаас( толору24 устуука ботуруоннаах), рюкзак, 5 л таараҕа уу(хаптаҕай канистра буолбат), быһах, испиискэ, воздушка саа уонна буулдьата, күрдьэх, икки анньыы, туут хайыьар, харандаас, күрүмэ саппыкы, буур (13-тээх эбэтэр онтон улахан көҥүллэнэр) хамаандаттан взнос: 1000 солк

Күрэх түһүмэхтэрэ:
1. Эстафета:
• Тоҥуу хаарынан туут хайыьарынан сүүрүү, булт сээкэйин тэринии;
• Тоҥуу хаарынан туут хайыьарынан сууруу,андаатары хапхаантан араарыы,хапхаан иитиитэ
• Ыарахан таьа5астаах туут хайыьарынан сүүрүү ;
• Туут хайыһарынан сүүрүү, сыал ытыыта(эстафета түмүгэр батарантааска ботуруон барыта баар буолуохтаах хас итэҕэс ботуруон аайы 10 сөкүүндэ эбиллэр, cүлүллүбүт андаатар атахтара,төбөтө сыалай буолуохтаахтар).
2. Боппуруоска эппиэттээһин. Хамаандаттан биир киһи (тест 3 мүнүүтэ);
3. Бириэмэҕэ ойбон алларыы. Хамаандаттан икки киһи (икки анньыы, курдьэх);
4. Чэй оргутуу. Хамаандаттан икки киһи (испиискэ, сүгэ, быһах);
5. Буурунан ойбон тэһии.(хамаандаттан буур, биир киһи кыттар);
6. МЦ21-12 сааны ыһыы, хомуйуу, хамаандаттан биир киһи (саа тэрийээччилэртэн);
7. Канат тардыһыы;
Боппуруоска эппиэттээһиҥҥэ уонна саа ыһыытыгар,хомуйуутугар хамаандаттан биир киһи бу көрүҥнэртэн биирдэстэригэр эрэ кыттар.Хамаанда состава уларыйбат.Икки ойбон алларбыт киьи чэй оргутуу күрэҕэр кыттыбат.Эстафетаҕа бутэһик этапка о.э сыал ытар киьи биирдиилээн көрүҥҥэ кыттыбат. Балаһыанньаҕа уларыйыы баар буолуон сеп.
Наҕараадалааьын:
Күрэх түмүгүнэн 1,2,3 миэстэлэргэ грамота, мэтээл, Петухов В.В аймахтара ,до5отторо туруорбут сыаналаах бириистэринэн на5араадаланыахтара, анал ааттар туттарыллыахтара.