Veliaj harron premtimin për shkollat në periferi, nxënësit: Kur bie shi, me çadër në klasë

Описание: #oranews #erionveliaj #bashakiatirane #shkollaneprush #shkollaIbrahimHima

Rreth 200 nxënës në shkollën "Ibrahim Hima" në periferi të Kombinatit studiojnë në një godinë që ka dalë jashtë funksionit. Ata thonë se kur bie shi mbajnë çadrën hapur edhe ne klasë. Ndërkohë prindërit kërkojnë rindërtimin e shkollës pasi po u sëmuren fëmijët në një ambient me lagështi dhe myk.

"Pyetja është a e kemi ne mundësinë, a e kemi ne aftësinë që të investojmë me të njëjtin standard dhe cilësi siç bëhen shkollat në bllok, ashtu edhe në periferi. Përgjigjja sot është po."

Por deklaratat e kryebashkiakut se investimet në zonat rurale, do te jene Si ne kryeqytet ky premtim bie pishtë pasi kjo shkollë tregon të kundërtën.

Këto janë klasat e shkollës “Ibrahim Hima” ku zhvillojnë mësimin mbi 200 nxënës.

Godina dhe ambientet e brendshme janë lënë në mëshirë të fatit. Në kohë me reshje gjithçka që bie jashtë futet brenda ndërsa nxënësit detyrohen të rrinë me çadër për tu mbrojtur nga shiu.

Te gjitha klasat janë me myk dhe lagështi.

"Kushtet janë të këqija. Pikon shkolla, ne brenda në klasë rrimë me çadër."

"Në pjesën ku pikon mbajmë çadër."

Në vend të fushës sportive ka zhavorr. Peripecitë e këtyre nxënësve nuk përfundojnë me kaq.

Tualetet ndodhen në oborrin e shkollës dhe “shërbejnë” vetëm si burim sëmundjesh.

"Ato janë dhe nuk kemi çfarë bëjmë tjetër."

Prindërit ankohen për këtë situatë alarmante ndërsa kërkojnë rindërtimin e një shkolle tjetër.

"Ka vite që është kështu. Të gjitha shkollat janë rregulluar, kjo nuk është rregulluar fare."

"Kushtet janë mizerable, tualetet janë në gjendje që o Zot...nuk mund të futesh dot brenda dhe jo më të kryesh nevojat e një fëmije."

"Të rregullohet shkolla. Të shembet dhe të rregullohet nga e para."

Edhe pse kjo shkollë është shumë pak kilometra larg qytetit të Tiranës, aty askush nuk ka investuar për ta kthyer në një institucion arsimor.

Për më shumë lexoni në: https://www.oranews.tv/vendi/veliaj-h...

Follow Televizionin Ora News

Website: www.oranews.tv

Youtube http://bit.ly/2DDddtL

Facebook: http://bit.ly/2RkUN4s

Instagram   / oranewstv  

Twitter   / oranewsrtv