सखी! इक, सपनो देख्यों रात_ जगद्गुरु श्री कृपालु जी महाराज see more in caption

Описание: #सखी!_इक,_सपनो_देख्यों_रात_जगद्गुरु_श्री_कृपालु_जी_महाराज#JKPINDIA#
#Prem_Ras_Madira#
सखी! इक, सपनो देख्यों रात |
वंशीवट तट-तरणि-तनूजा, हौं इकली रहि जात |
औंचक लख्यों एक तहँ ढोटा, सुंदर श्यामलगात |
पियरो पट, कटि काछनि काछे, मोर मुकुट बल खात |
कर मुरली, गल-गुंजमाल भल, गति सों हंस लजात |
अति रसभरे नैन रतनारे, कजरारे मदमात |
कटि किंकिनि, पग पायल सोहति, मन मोहत मुसकात |
कहँ लौं कह सखी ! रूप-माधुरी, कोटि काम सकुचात |
लखतहिं हौं सखी! भइ वश ताके, बड़ी बुरी यह बात |
यह 'कृपालु' कछु भेद अलौकिक, जग न होत अस नात |