តើអ្វីទៅជា ជំងឺទុក្ខកង្វល់? , What Is Depression?

Описание: តើអ្វីទៅជា ជំងឺទុក្ខកង្វល់ ឬ Depression ?
(សុខភាព)៖ ទុក្ខកង្វល់ជាជំងឺផ្លូវចិត្តម្យ៉ាង។ អ្នកដែលធ្លាប់ចូលក្នុងសភាពបែបនេះ តែងមានអារម្មណ៍ថា ខ្លួនគ្មានសេចក្តីសុខ ក្រៀមក្រំ ធុញទ្រាន់ មួហ្មង គ្មានកម្លាំង ចិត្តស្ទុះស្ទា ផ្តាច់ពីសង្គម ចូលចិត្តនៅស្ងប់ស្ងាត់តែម្នាក់ឯង មានអារម្មណ៍អស់សង្ឃឹម បាក់ទឹកចិត្ត សំឡឹងមើលជីវិតខ្លួនហាក់គ្មានតម្លៃ គិតថា ខ្លួនជាបន្ទុកដល់អ្នកដទៃ ប្រសិនបើមានអាការៈធ្ងន់ធ្ងរជាងនេះ អាចនឹងមិនចង់រស់ ហើយគិតចង់ធ្វើអត្តឃាតជាដើម។
មនុស្សចាស់ គឺជាវ័យចុងក្រោយ នៃជីវិតដែលមានការប្រែប្រួលជាខ្លាំង ទាំងផ្នែករាងកាយ ចិត្តគំនិត សង្គម និងបរិយាកាស។ ដូច្នេះទុកកង្វល់ផ្សេងៗ ដែលកើតមានអាចប៉ះពាល់ដល់គុណភាព ជីវិតរបស់ពួកគាត់ ព្រមទាំងសាច់ញាតិ ដែលនៅមើលថែ ផងដែរ។ មនុស្សចាស់ ដែលកំពុងមានជំងឺដង្កាត់ គឺសុខភាពរាងកាយទន់ខ្សោយណាស់ ប្រសិនបើបណ្តោយឲ្យសេចក្តីទុក្ខ នៃក្តអារម្មណ៍ជ្រៀតចូលទៀតនោះ វានឹងរឹតតែធ្វើឲ្យជំងឺរបស់គាត់ធ្ងន់ធ្ងរឡើង ឬអាចទៅជាធ្វើបានខ្លួនឯង។
យោងតាមព័ត៌មានដែលលើកឡើង អំពីអត្រាសម្លាប់ខ្លួនរបស់មនុស្សចាស់ ឃើញថា មាន៩០ ភាគរយ បណ្តាលមកពីទុក្ខកង្វល់ទាំងនេះឯង។
មូលហេតុដែលបង្កឲ្យមានទុក្ខកង្វល់
១.មូលហេតុដែលបណ្តាលមកពីសារពាង្គកាយ
– ដោយសារតែជំងឺផ្លូវកាយដូចជា ខួរក្បាលចុះខ្សោយស្ទះសរសៃ ឈាមខួរក្បាល ឬមហារីកលំពែងជាដើម
– ដោយសារការប្រើថ្នាំប្រភេទខ្លះដូចជា ថ្នាំព្យាបាលជំងឺលើសឈាម ថ្នាំក្រពះ ថ្នាំបញ្ចុះទឹកនោម និងថ្នាំព្យាបាលជំងឺមហារីកជាដើម ។
២. មូលហេតុផ្លូវចិត្ត
– សារជាតិប្រព័ន្ធសរសៃប្រសាទ ប្រភេទខ្លះក្នុងខួរក្បាលថយបរិមាណ
– អារម្មណ៍ឆ្លើយតប ទៅលើបញ្ហាផ្សេងៗក្នុងជីវិត ភាពតានតឹងដែលកើតឡើង ដោយសារតែខាតបង់ ឬស្ថានភាពដែលបង្កឲ្យមានការសោកស្តាយ មិនសប្បាយចិត្ត ឬកើតមានក្តីទុក្ខកង្វល់ក្នុងចិត្ត ។
តើធ្វើយ៉ាងណាទើបដឹងខ្លួនថា កំពុងកើតជំងឺទុក្ខកង្វល់?
យើងអាចសង្កេតមើលខ្លួនឯង ដោយយោងតាមទិន្នន័យខាងក្រោមនេះ៖
ប្រសិនបើមានអាការៈ ដូចដែលបានបង្ហាញលើសពី៥ ចំណុច ឬច្រើនជាង ហើយមានអាការៈបែបនេះ យូរជាងពីរសប្តាហ៍ នោះអាចបញ្ជាក់បានថា អ្នកកំពុងមានទុក្ខកង្វល់ក្នុងចិត្តហើយ ។
១. មានអារម្មណ៍ធុញ ក្រៀមក្រំ សោកស្តាយ មួម៉ៅគ្មានមូលហេតុ
២.មានអារម្មណ៍ធុញទ្រាន់ នឹងរឿងដែលខ្លួនធ្លាប់ចូលចិត្ត ធ្លាប់ធ្វើ តម្រូវការខាងផ្លូវភេទមានភាព ប្រែប្រួលខុសពីមុន (អាចត្រូវការច្រើនជាងមិន ឬតិចជាងមុន )
៣. មានអារម្មណ៍ធុញអាហារ ឬ ញុំាច្រើនជាងមុន ឡើងទំងន់ ឬស្រកចុះ
៤.គេងមិនលក់ ឬគេងលក់ស្កប់ជ្រុល
៥.មានអារម្មណ៍ល្ហិតល្ហៃ នឿយហត់ អស់កម្លាំង ដោយពុំដឹងមូលហេតុ
៦.មានអារម្មណ៍អស់សង្ឃឹម មើលខ្លួនឯងមានតម្លៃ ឬចេះតែបន្ទោសខ្លួនឯង
៧. គ្មានសមាធិក្នុងខ្លួន ភ្លេចច្រើន គ្មានទំនុកចិត្ត មិនហ៊ានសម្រេចចិត្ត
៨. មានអារម្មណ៍ខ្វល់ខ្វាយក្នុងចិត្ត ល្ហិតល្ហៃ ដោយមិនដឹងមូលហេតុ
៩. មានអារម្មណ៍មួហ្មង ឬធុញទ្រាន់នឹងជីវិត គិតចង់ធ្វើអត្តឃាត ។
ប្រសិនបើមានអាការៈទុក្ខកង្វល់ដូច្នេះ តើគួរធ្វើយ៉ាងណា?
ប្រសិនបើមានអាការៈបែបនេះ លោកអ្នកគួរតែប្រញាប់ទៅពិគ្រោះ ជាមួយគ្រូពេទ្យចិត្តសាស្រ្ត ព្រោះវាគឺជាជំងឺ ដែលអាចព្យាបាលឲ្យប្រសើរឡើងវិញបាន ឬអាចជាដាច់។ ប៉ុន្តែបើសិនជាមិនបានទទួលការព្យាបាល ដិតដល់ហើយបណ្តោយឲ្យឈឺកាន់តែយូរ នោះជំងឺនេះអាចនឹងរើឡើង ម្តងទៀតកាន់តែខ្លាំង។ បើក្នុងករណីធ្ងន់ធ្ងរ អាចធ្វើបាបខ្លួនឯង ឬធ្វើអត្តឃាត៕
Youtube :    / @yisoyong  
------------------------------------------------------------------------------------------------------
Thank You !