People's Spring | စစ်ကောင်စီတပ်က လေကြောင်းမှ ဗုံးကျဲတိုက်ခိုက်ဟု MNDAA ထုတ်ပြန်

Описание: People's Spring | စစ်ကောင်စီတပ်က လေကြောင်းမှ ဗုံးကျဲတိုက်ခိုက်ဟု MNDAA ထုတ်ပြန်၊ စစ်ကောင်စီတပ်မှလည်း သေဆုံးမှုရှိဟုဆို

—People' Spring

အာဏာသိမ်းစစ်ကောင်စီတပ်သည် မုံးကိုးခရိုင်ရှိ မြန်မာအမျိုးသား ဒီမိုကရေစီ မဟာမိတ်တပ်မတော် MNDAA(ကိုးကန့်) ၏တပ်စခန်းကို တိုက်လေယာဉ်နှင့်ဗုံးကျဲတိုက်ခိုက်ခဲ့ကြောင်း MNDAAက ယနေ့ (ဒီဇင်ဘာ ၁၄ရက်)တွင် သတင်းထုတ်ပြန်သည်။

စစ်ကောင်စီတပ်သည် ဒီဇင်ဘာ ၁၃ရက်တွင် MNDAA၏ တပ်စခန်းများကို ထိုးစစ်ဆင် တိုက်ခိုက်ခဲ့ရာ နှစ်ဖက် စစ်ရေးအခြေအနေ ပိုမိုတင်းမာလာပြီး စစ်ကောင်စီသည် မြေပြင်မှလက်နက်ကြီများ၊ ခြေလျင်တပ်ဖွဲ့များဖြင့်ထိုးစစ်ဆင်တိုက်ခိုက်လာခြင်း အပြင် စစ်ရဟတ်ယာဉ်များနှင့် တိုက်လေယာဉ်များကိုပါ အသုံးပြုပြီး ဗုံးကျဲတိုက်ခိုက်ခဲ့သည်ဟု ဖော်ပြထားသည်။

စစ်ကောင်စီသည် နံနက် ၅ နာရီခွဲမှစ၍ MNDAA တပ်စခန်းကို လက်နက်ကြီးများဖြင့်စတင်ပစ်ခတ်ကာ ခြေလျင်တပ်ဖွဲ့ဖြင့် မန်ရန်တပ်စခန်းကိုထိုးစစ်ဆင်တိုက်ခိုက်လာကြောင်း၊ စစ်ကောင်စီတပ်၏ အကြိမ်ကြိမ် ထိုးစစ်ဆင် တိုက်ခိုက်လာမှုများကို MNDAA ဘက်က ကောင်းမွန်စွာ ခုခံတိုက်ခိုက်နိုင်ခဲ့ ကြောင်း၊ မန်ရန်တပ်စခန်းတိုက်ပွဲတွင် စစ်ကောင်စီဘက်မှ အကျအဆုံးအသေးစိတ်မသိရသော်လည်း စစ်မြေပြင်တွင် စစ်ကောင်စီတပ်သားအလောင်း သုံးလောင်း တွေ့မြင်ခဲ့ရကြောင်း ထုတ်ပြန်ခဲ့သည်။

စစ်ကောင်စီသည် MNDAA ၏ ရှိဝမ်ရွာ ၊ ချင်ချိုင့်ထန် ၊ မန်ကျော် ရှိတပ်စခန်း သုံးခုကို လူအင်အားအလုံးအရင်းဖြင့် ထိုးစစ်ဆင်တိုက်ခိုက်လာခဲ့ရာ စစ်ရဟတ်ယာဉ် ၊ တိုက်လေယာဉ်တို့ဖြင့် ပစ်ကူပေးခဲ့ကြောင်း ဖော်ပြထားသည်။

စစ်ကောင်စီ၏ စစ်ကူတပ်များ မုံးကိုးခရိုင်သို့ ရောက်ရှိလာသည့် ဒီဇင်ဘာ ၉ရက်နေ့မှစ၍ MNDAA တပ်စခန်းကို အရှိန်အဟုန်ပြင်းထန်စွာ တိုက်ခိုက်လာနေကြောင်း၊ လက်နက်ကြီးဖြင့်လည်းအချက်ပေါင်း ထောင်ချီပစ်ခတ်ခဲ့ကြောင်း MNDAAက ထုတ်ပြန်သည်။

#လူထုနွေဦး
#LuduNwayOo
#People'sSpring
#PS
https://www.ludunwayoo.com
  / ludunwayoo  
  / ludunwayoo