「認股證篇」番外篇：時間值與溢價

Описание: 法巴學堂 | 法巴輪證課程 | 「認股證篇」番外篇：時間值與溢價
https://education.bnppwarrant.com/tc/...

本課會詳細講解時間值與溢價之間的分別，及對窩輪價格的影響。

好多投資者會問，究竟窩輪嘅溢價同時間值有啲乜嘢分別，簡單啲咁講，溢價就係你持有窩輪到期嘅持有成本，至於時間值就係每日嘅時間損耗。

一般來講，如果你係短炒窩輪，即係持倉可能只係幾日或者一個星期，咁你可能要注意多少少時間值。一般發行商嘅時間值會以每日作為單位計算，即係每日嗰隻窩輪理論應該要扣幾多錢。假如你諗住持貨一個星期，咁你個時間值損耗就係五日，所以係你買呢隻窩輪之前你要考慮到五日之後假如正股唔郁你可能面對嘅時間值損失。無論call輪定put輪，愈接近到期日或者愈貼近行使價,時間值損耗都會愈大架。

至於溢價，一般係反映你如果持倉到到期日，正股需要上升幾多百分比，你先可以收返你現時買入窩輪嗰個價錢，所以溢價嘅考慮只係假設你持倉到到期日先至有關。如果你係諗住短線買賣，即係可能買咗之後隔一陣或幾日就沽返出嚟，咁個溢價個考慮因素就唔係咁大啦，因為可能你買入嘅時候嗰溢價係偏高，但係只要你沽出嘅時候嗰溢價可能依然係存在的話，咁其實你係只係考慮返買入價同賣出價嘅差額唧。當然如果一個唔覺意，買完隻輪之後坐咗艇，咁你就要留意番嗰溢價啦，因為如果溢價太高，即係話正股可能要喺到期日嘅時候升好多你先可以攞返你個本金，咁呢啲時候你就要考慮係咪要止蝕啦。

仲有一樣野就係好多時候投資者會見到一啲窩輪或者牛熊證會有負溢價出現，咁點解會有負溢價出現呢?

由於部份股票會派發股息，未來嘅股價理論上會較現價為低，亦可能會反映係指數上，因此牛熊證同窩輪嘅價格亦都要將股息因素反映出嚟，於是乎牛證同call輪嘅價格就會有負溢價，而熊證同put輪嘅價格就會偏向有正溢價。

想知溢價點計? 上法巴學堂「認股證番外篇：時間值與溢價」, 入面詳細列出溢價公式, 大家可以參考一下。

法巴學堂 | 輪證 Q & A
https://education.bnppwarrant.com/tc/...
法巴學堂 | 輪證教學日誌
https://education.bnppwarrant.com/tc/...
法國巴黎銀行輪證網站
http://www.bnppwarrant.com/tc/index


本短片之內容並不構成任何建議、邀請、要約或遊說買賣結構性產品。牛熊證備有強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。結構性產品並無抵押品，如發行人或擔保人無力償債或違約，投資者可能無法收回部份或全部應收款項。投資者購買時，所依賴是發行人及擔保人的信譽。產品涉及高風險，價格可急升或急跌，投資者或會蒙受全盤損失。過往表現並不反映將來表現。投資者應注意發行人可能為交易市場唯一流通量提供者，購買前應瞭解相關風險，並查閱基本上市文件及有關補充上市文件內的詳情，並諮詢專業意見。