Moegok Reel 29July25

Описание: “မြို့သိမ်းပြီးကတည်းက ဒီတစ်ခေါက်(ဗုံး)ကြဲတာ အဆိုးဆုံးပဲ”- မိုးကုတ်မြို့ခံတစ်ဦး
--------------
တအာင်းအမျိုးသားလွတ်မြောက်ရေးတပ်မတော် TNLA ထိန်းချုပ်ထားတဲ့ မန္တလေးတိုင်း၊ မိုးကုတ်မြို့ကို ဇူလိုင်လ ၂၉ ရက်နေ့ မနက် ၁၀ နာရီ ဝန်းကျင်မှာ စစ်ကောင်စီတပ်က လေကြောင်းကနေ ဗုံးကြဲတိုက်ခိုက်ခဲ့တာကြောင့် အရပ်သားပြည်သူ ၄ ဦးသေဆုံးခဲ့သလို ၉ဦး ဒဏ်ရာရခဲ့ပြီး နေအိမ် (၁၈)လုံး ဗုံးစထိမှန်ပျက်စီးတယ်လို့ TNLA က ထုတ်ပြန်ပါတယ်။

မိုးသည်းထဲစွာရွာနေတဲ့ အချိန်မှာ စစ်ကောင်စီဟာ လေကြောင်းကနေ မိနစ်ပိုင်း လောက်သာခြားပြီး မိုးကုတ်မြို့ရဲ့လူစည်ကားရာ နေရာတွေဖြစ်တဲ့ မင်းတံတားရပ်ကွက်၊ ရွှေဘုံသာရပ်ကွက်နဲ့ BOC ကားကြီးကွင်းအနီးကို ဗုံး (၅)လုံး လာရောက်ကြဲချတိုက်ခိုက်ခဲ့တာပါ။

TNLA ထိန်းချုပ်ထားတဲ့ မိုးကုတ်မြို့ကို စစ်ကောင်စီက မကြာခဏဆိုသလို လေကြောင်းကနေ ဗုံးကြဲတိုက်ခိုက်မှုတွေ ပြုလုပ်နေပြီး ဒီနေ့ ဗုံးကြဲမှုဟာ တစ်နာရီအတွင်း သုံးကြိမ်လာကြဲတဲ့ ဒီကနေ့အဖြစ်အပျက်က အဆိုးဆုံးပဲလို့ ဒေသခံတွေက ပြောကြပါတယ်။

#မိုးကုတ်မြို့ #လေကြောင်းတိုက်ခိုက်မှု