تا جلوہ گاہ مہ ہردی تا روخچی قیامت نو کوئی / تا سلطنوت رعایا تا حسنو سم بغاوت نو کوئی

Описание: ‪@rahimaliashru1‬ #chitralipoetry #khowarghzal

تا جلوہ گاہ مہ ہردی تا روخچی قیامت نو کوئی
تا سلطنوت رعایا تا حسنو سم بغاوت نو کوئی

محبت ای دولت حرصو انسان ہمو کیا ہوش کوئی
ماچوڑیو قسمت کوتاہ ہردیاری محبت نو کوئی

دعوتے حق مہ قلم مہ ہم سفر یا عشقو ہیہ راہا
علمو بوژک عبادت دیوانہ خور عبادت نو کوئی

مہ عشق مہ وفا مہ ہیہ ظرف متین ہوئی دویاں
ای کم ظرفو سوم تکرار کیاوت مہ معرفت نو کوئی

ہائے آسمان تا ژانگی گیتی مہ کھاکتو دویاں
مہ خیالو پرواز بو ژانگ زمینہ تجارت نو کوئی

دردو ہردیو لوان منافق زمانہ ہوش نو کوئی
مہ ہردی چھوماوا ستمگر مہ سوم ہردی پھت نو کوئی

دنیائی ہر کا تان سورو ژانگ نیزیران کیچا بوسی
قبرو پاہانہ تا باپو کھوڑ تا سم عدالت نو کوئی

معاشرو بے رنگ روایت اسپہ موژی کھانج بیانی
کینو مہ عشقو اشرو غیچی تا شئیلی صورت نو کوئی

اشرو تتے ہوئی دویاں گمبوریو وری کورا اسس
آوا رن اوچوتو بوم تا جستجو مہ خسمت نو کوئی