E ftuara rrëfen historinë e humbjes së pesë fëmijëve: I kërkoja nëpër varreza...

Описание: Në një rrëfim emocionuese në emisionin “Shije Shtëpie” në Tv Klan këtë të martë, Etleva Treska zbuloi një nga kapitujt më të vështirë të jetës së saj: dhimbjen e humbjes së pesë fëmijëve dhe fuqinë e jashtëzakonshme që gjeti për të përballuar sfidat e jetës.

Etleva ndau me publikun dhimbjen që e shoqëroi për 10 vite: lindja e fëmijëve që nuk mbijetuan dhe kërkimi i tyre nëpër varreza, një sfidë që e bëri më të fortë dhe më të ndjeshme ndaj njerëzve rreth saj.

Sot, me dy fëmijët që e kanë mbushur jetën me gëzim, ajo tregon se vetëm mbështetja e familjes dhe dashuria e prindërve e kanë ndihmuar të shndërrojë dhimbjen në forcë.

“Komunikimi është një hallkë, por unë mendoj që vjen nga edukata dhe kultura familjare. Sepse ne në mosha të ndryshme, mendojmë ndryshe, unë kur kam qenë 20 vjeç nuk mendoj siç mendoj tani 50. Atëherë më është dashur edhe ndërhyrja e mamasë për të më dhënë disa leksione të vetat, për të ruajtur familjen, sepse familja kalon gjithmonë në sfidë. Unë kam pasur një sfidë në jetë sepse kam humbur pesë fëmijë dhe djali që sot rron është i gjashti dhe për 10 vite unë kam vuajtur me daljen bosh nga materniteti.

I lindja dhe më vdisnin, kanë qenë pesë çuna, djali që kam sot është i gjashti dhe pastaj më erdhi edhe vajza. Duhej një forcë e madhe mbështetëse që unë të arrija të mbaja. Kam gjetur forcën, në momentin që lindi djali dhe vajza e harrova disi, por janë 10 vite sfidë të miat të rëndat. Kur isha 20 vjeçe kërkoja nëpër varreza, t’i gjeja, ku mi kishin varrosur. E dhimbshme! Por, kjo më bëri më të mirë dhe më të dashur me njerëzit, por jo pa ndihmën e prindërve”, tregoi Etleva Treska.
#ShijeShtëpie Nga e hëna në të shtunë, live, nga ora 09:05-11:00, me Katerina Trungun & Znj.Vjollca. Një emision edukues, informues, argëtues. Çdo ditë me recetat e thjeshta dhe mbi të gjitha ekonomike, të Zj.Vjollca u tregon dhe mëson amvisave të çdo moshe si të gatuajnë receta të shijshme për të mbushur tavolinat e familjeve të tyre. Çdo ditë me Katerina Trungun informojmë publikun ndërmjet rubrikave dhe të ftuarve, me këshilla të thjeshta praktike, të kuptueshme nga të gjithë, për çdo aspekt të të përditshmes.

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/

#Receta #ZonjaVjollca #KaterinaTrungu