კიშინიოვის ცენტრში დემონსტრანტებმა კარვები გაშალეს

Описание: კიშინიოვის ცენტრში გუშინ გამართული აქციის შემდეგ, დემონსტრანტების ერთმა ნაწილმა კარვები გაშალა. ისინი პრეზიდენტის გადადგომას და ვადამდელი საპარლამენტო არჩევნების დანიშვნას ითხოვენ.

აქციაზე დემონსტრანტებსა და პოლიციას შორის შეტაკებები მოხდა. დააკავეს რამდენიმე აქტივისტი.

დემონსტრაციები სამოქალაქო პლატფორმის „ღირსება და სიმართლე“ ორგანიზებით გაიმართა. აქციის ორგანიზატორების თქმით, დიდი ეროვნული შეკრების მოედანზე გუშინ 100 000 ადამიანი იყო გამოსული, რაც იმას ნიშნავს, რომ 1990 წლის შემდეგ, ეს ყველაზე მასობრივი საპროტესტო აქცია იყო მოლდოვაში.

მოლდოვის პრემიერიმინისტრი შეკრებილ დემონსტრანტებს შეხვდა. ადგილობრივი მედიის ცნობით, მან ანტისამთავრობო აქციის მონაწილეებს პირობა მისცა, რომ მთავრობა მოსახლეობის მოთხოვნებს შეისწავლის.