მარტივი ლაზანიას რეცეპტი

Описание: რუბრიკაში "უცნობი გემო" წარმოგიდგენთ უგემრიელეს რეცეპტებს და მათი მომზადების წესს.
მარტივი ლაზანია
ინგრედიენტები:
ფქვილი - 3 სკ
რძე - 3 ჭიქა
კარაქი - 50 გრ
მარილი
შავი პილპილი
ლაფშა (სწრაფად მოსამზადებელი მაკარონი) - 170 გრ
გახეხილი ყველი მოცარელა - 100 გ
საქონლის ხორცი - 300 გ
სტაფილო - 1 ც
პომიდორი - 2 ც
ხახვი - 1 ც
ზეითუნის ზეთი - 4 სკ
მომზადების წესი:
ქვაბში მოათავსეთ ზეთი და წვრილად დაჭრილი ხახვი. როდესაც მოითუშება, დაუმატეთ საქონლის ხორცი, როდესაც ხორცი დაიწყებს გაწითლებას, დაუმატეთ გახეხილი სტაფილო, დატოვეთ კიდევ 10 წუთი და მოასხით გახეხილი პომიდორი, ტომატის პასტა, დაუმატეთ შავი პილპილი და მარილი. დაამატეთ ნახევარი ჭიქა ცხელი წყალი, ადუღეთ 5 წუთის განმავლობაში და დატოვეთ გაციებამდე.

სოუსისთვის ქვაბში მოათავსეთ კარაქი, დაუმატეთ ფქვილი, რძე და ურიეთ 5 წუთის განმავლობაში.

ლაფშა მსუბუქად მოხარშეთ.

საცხობ ფორმაზე ფენა-ფენა გადაანაწილეთ ლაფშა, ფარში, სოუსი. თავზე მოაყარეთ გახეხილი ყველი. მოათავსეთ ღუმელში და აცხვეთ 180-200 გრადუსზე 25 წუთის განმავლობაში.
გემრიელად მიირთვით!